உலகம் முழுவதும் 100 வயது பெண்கள் அதிகம்!

உலகம் முழுவதும் வாழ்ந்து வரும் 100 வயது மற்றும் அதற்கும் அதிகமான வயதுடைய முதியவர்களின் எண்ணிக்கை, 7,22,000..." என்று 2024ல் எடுக்கப்பட்ட ஐ.நா.வின் மக்கள் தொகை கணக்கெடுப்பு சொல்கிறது. இந்த எண்ணிக்கை 2030ல் பத்து லட்சத்தை எட்டும்.

- த.சக்திவேல்

இதில் ஜப்பானில் மட்டுமே 1,46,000 முதியவர்கள் வாழ்கின்றனர். உலகிலேயே 100 வயதான முதியவர்கள் அதிகமாக வாழும் நாடு ஜப்பான்தான்.

கடந்த செப்டம்பர் மாதம் வரை ஜப்பானில் 100 வயதானவர்களின் எண்ணிக்கை 95,000தான். அக்டோபர், நவம்பர், டிசம்பர், ஜனவரியில் மட்டுமே 50 ஆயிரம் ஜப்பானியர்கள் தங்களின் 100வது பிறந்த நாளைக் கொண்டாடியிருக்கலாம்.

ஆம் கடந்த நான்கு மாதங்களில் மட்டுமே ஜப்பானில் 50 ஆயிரம் பேர் 100 வயதைத் தொட்டிருக்கின்றனர். இப்படிநூறு வயதைத் தொட்ட ஜப்பானியர்களில் 90 சதவீதத்தினர் பெண்கள் என்பது குறிப்பிடத்தக்கது.

ஜப்பானில் மட்டுமல்ல, உலகம் முழுவதும் உள்ள 100 வயதானவர்களில் பெண்களின் சதவீதம்தான் அதிகம்.

ஜப்பானுக்கு அடுத்த இடத்தில் அமெரிக்கா உள்ளது. அங்கே வாழ்ந்து வருகின்ற 100 வயது மற்றும் அதற்கும் மேலான வயதுடைய முதியவர்களின் எண்ணிக்கை, 1,08,000.