சூது கவ்வும்க்கு முன்னாடி ஆரம்பிச்சு - சூது கவ்வும்க்கு பிறகு தொடரும் இந்தப் படம்!

கோலிவுட்டில் இது பார்ட்டுடூ சீசன். அந்த வகையில் விஜய்சேதுபதி வெளியாகி வெற்றியடைந்த ‘சூதுகவ்வும்”.

- எஸ்.ராஜா

தற்போது அதன் இரண்டாம் பாகமான ‘சூதுகவ்வும் - 2’ல் ’மிர்ச்சி’ சிவா நடித்துள்ளார். அர்ஜுன் இயக்கியுள்ளார். ரிலீஸ் வேலையில் பிசியாக இருந்த அர்ஜுனிடம் பேசினோம்.

யார் இந்த அர்ஜுன்?

சொந்த ஊர் நெய்வேலி. படிச் சது எம்சிஏ. சினிமா ஆர்வம் என்பதால் உதவி இயக்குநராக ‘முண்டா சுப்பட்டி'யில் வாய்ப்பு கிடைச்சது.

தொடர்ந்து ‘இன்று நேற்று நாளை', ‘ராட்சசன்' படங்களில் வேலை பார்த்தேன். 'ராட்சசன்', 'மார்க் ஆண்டனி' படங்களில் இணை திரைக்கதை எழுதினேன். என்னுடைய முதல் படம் பிரபுதேவா சாரின் 'யங் மங் சன்'.

ரிஸ்க் வேண்டாம்னு இரண்டாம் பாகம் ஆரம்பிச்சுட்டீங்களா?

இயக்குநர் நலன் குமாரசாமி சாரிடம் கேஷுவலா பேசும்போது 'சூதுகவ்வும் - 2' எப்படி எடுக்கலாம்னு ஒரு ஐடியா சொன்னார்.

சி.வி.குமார் சாரும் கதையை டெவலப் பண்ணச் சொன்னார்.

அப்படிதான் இந்தப் படத்திற்கு திரைக்கதை எழுத ஆரம்பிச்சேன். அது சி.வி.குமார் சாருக்கு புடிச்சதால 'நீங்களே டைரக்ஷன் பண்ணுங்க'ன்னு சொன்னார். அப்படிதான் இது ஆரம்பமாச்சு.

விஜய் சேதுபதி இடத்துல 'மிர்ச்சி' சிவா..?

இந்த வார்த்தையை கண்டு பா மென்ஷன் பண்ணுங்க சார். எல்லோரும் விஜய் சேதுபதி இடத்துல 'மிர்ச்சி' சிவா எப்படி இருப்பார்ன்னு நினைச்சுட்டு இருக்காங்க.

அப்படியில்ல. அந்தப் படத்துல விஜய் சேதுபதி சார் 'தாஸ்'ன்னு ஒரு கேரக்டர் பண் ணியிருந்தார். இதுல 'மிர்ச்சி' சிவா 'குருநாத்'ன்னு ஒரு கேரக் டர் பண்ணியிருக்கிறார். இரண்டு கேரக்டரும் வேற... வேற...

இந்தப் படம் 1987ல் ஆரம்பமாகி 2008ல் ஒரு கதையும், 2013ல் 'சூதுகவ்வும்' கதையாகவும் அடுத்ததாக 'சூதுகவ்வும் - 2' கதையாகவும் டிராவலாகும்.

கதையில் தாஸ் கேரக்டருக்கும் குருநாத் கேரக்டருக்கும் கனெக்ஷன் இருக்கும்.

'மிர்ச்சி' சிவாவுக்கு என்ன ரோல்?

குருநாத் மனித நேயமுள்ள கிரிமினல். யாருக்கும் எந்தப் பாதிப்பும் இல்லாமல் க்ரைம் செய்பவர். முதல் பாகத்துல தாஸ் கேரக்டரில் பரபரப்பாக இருந்தார்.

குருநாத் எவ்வளவு பெரிய பிரச்னையா இருந்தாலும் கூலா.

நிறுத்தி நிதானமா ஹேண்டில் பண்ணுபவர். அதை சிவா சூப் பரா பண்ணியிருக்கிறார். அவர் செய்த படங்களில் குருநாத் கேரக்டர் தனித்து தெரியும்.