இப்போதும் அப்பா பணம் அனுப்புகிறார்

உதவி இயக்குநராக இயக்குநராக நீங்கள் எதிர்கொண்ட நெருக்கடிகள் பற்றி?

- தா. பிரகாஷ்

முருகன் என்ற நண்பர் அமெரிக்காவில் உள்ளார். அநீதி படத்தின் தயாரிப்பாளருள் ஒருவர். செலவுக்கு ஒவ்வொரு மாதமும் பணம் அனுப்புவார். அப்பாவும் பணம் அனுப்புவார். வரதராஜன் என்ற நண்பர் இங்கிருக்கும் செலவுகளைப் பார்த்துக் கொள்வார். வெயில் படத்துக்குப் பிறகு எனக்கு திருமணமாகிவிட் டது. அதன் பிறகும் கையில் பணம் கிடையாது. இப்போதும் அப்பா பணம் அனுப்புவார். மாமியாரிடம் அடிக்கடி பணம் வாங்குவேன். இன்றும் அதே பண நெருக்கடி தொடர்கிறது. அதனால் நான் கவலைப்படவில்லை. நான் நேசிக்கின்ற சினிமா அற்புதமானது, அழகானது. பணம் சம்பாதிக்க சினிமாவுக்கு வரவில்லை நான். சினிமா காதலி போன்றவள்!

உங்கள் முதல் படத்தின் நாயகன் ஒரு கம்யூனிஸ்ட், அநீதி படத்தின் நாயகன் உணவு டெலிவரி செய்யும் ஒரு தொழிலாளி. நீங்கள் உருவாக்கும் நாயகன் கதாபாத்திரங்கள் ஏன் கீழ் அடுக்குகளைச் சார்ந்தவர்களாகவே உள்ளனர்?

அப்படி இல்லை. அங்காடித்தெரு, அநீதி மட்டும்தான் தொழிலாளர்களைப் பற்றி நேரடியாக பேசியவை. மற்ற படங்கள் வெவ்வேறு கதைக்களங்களையும் கதைமாந்தர்களையும் கொண்டவை.