യുപിഎസ്ടി നിയമനം പകുതി പോലും ആയില്ല

8621 പേരുള്ള റാങ്ക് ലിസ്റ്റിൽ നിന്ന് നിയമന ശുപാർശ ലഭിച്ചത് 3072 പേർക്ക്

- 

വിദ്യാഭ്യാസ വകുപ്പിലെ യുപി സ്കൂൾ ടീച്ചർ റാങ്ക് ലിസ്റ്റിന്റെ കാലാവധി അവസാനിക്കാൻ ഒന്നര മാസം മാത്രം അവശേഷിക്കുമ്പോഴും നിയമനം ഇഴഞ്ഞു നീങ്ങുകയാണ്. 14 ജില്ലയിലെയും റാങ്ക് ലിസ്റ്റിന്റെ കാലാവധി ഒക്ടോബർ 9നാണ് അവസാനിക്കുക.

മെയിൻ ലിസ്റ്റിൽ 4,788, സപ്ലിമെന്ററി ലിസ്റ്റിൽ 3,598, ഭിന്നശേഷി ലിസ്റ്റിൽ 235 എന്നിങ്ങനെ 8,621 പേർ ഉൾപ്പെട്ട റാങ്ക് ലിസ്റ്റുകളിൽനിന്ന് എല്ലാ ജില്ലയിലുമായി ഇതുവരെ നടന്നത് 3,072 നിയമന ശുപാർശ മാത്രം. ഏറ്റവും കൂടുതൽ നിയമന ശുപാർശ മലപ്പുറം ജില്ലയിലാണ്-508. കുറവ് പത്തനംതിട്ട ജില്ലയിൽ 46. പത്ത നംതിട്ട, കോട്ടയം, ഇടുക്കി, വയനാട് ജില്ലകളിൽ നൂറിൽ താഴെ നിയമന ശുപാർശ മാത്രം.