സെക്രട്ടേറിയറ്റ് അസിസ്റ്റന്റ് വിജ്ഞാപനം ഈ ആഴ്ച

പരീക്ഷ ഏപ്രിലിൽ തുടങ്ങിയേക്കും; തിരഞ്ഞെടുപ്പിന് ഇത്തവണ ഇന്റർവ്യൂവും

- ഷാജി പൊന്നോല

സെക്രട്ടേറിയറ്റ്/പിഎസ്സി/ലോക്കൽ ഫണ്ട് ഓഡിറ്റ്/അഡ്വക്കറ്റ് ജനറൽ ഓഫിസ്/വിജിലൻസ് ട്രൈബ്യൂണൽ തുടങ്ങിയവയിൽ അസിസ്റ്റന്റ്/ഓഡിറ്റർ (സെക്രട്ടേറിയറ്റ് അസിസ്റ്റന്റ്) പുതിയ വിജ്ഞാപനം ഈ ആഴ്ച പിഎസ്സി പ്രസിദ്ധീകരിക്കും.

ഡിസംബർ 31ലെ ഗസറ്റിലാണ് ഈ വിജ്ഞാപനം ഉൾപ്പെടുത്തിയിരിക്കുന്നത്. 5 ലക്ഷത്തിലധികം പേർ അപേക്ഷ നൽകുമെന്നു പ്രതീക്ഷിക്കുന്നു. 2021 ഏപ്രിൽ 3നു പ്രസിദ്ധീകരിച്ച മുൻ വിജ്ഞാപനപ്രകാരം 5,06,750 പേർ അപേക്ഷ നൽകിയിരുന്നു. അതിനു മുൻപ് 2017 ഡിസംബർ 14നു പ്രസിദ്ധീകരിച്ച വിജ്ഞാപന പ്രകാരം 6,83,588 പേരാണ് അപേക്ഷ നൽകിയിരുന്നത്.