അകത്തളങ്ങൾക്ക് നിറക്കൂട്ടുകളൊരുക്കി ഫിനിഷ്

ആദ്യസംരംഭം നൽകിയ ആത്മവിശ്വാസം നിസാറിന്റെ ചെറുതായിരുന്നില്ല

- 

തൃശ്ശൂർകാർക്ക് എന്നും ബിസിനസി നോട് അല്പം കമ്പം കൂടുതൽ തന്നെയാണ്. ചെറുപ്പം മുതലുള്ള ഈ മോഹം ജീവിതകാലം മുഴുവൻ തുടരും. ഒന്നല്ല, ഒന്നിലേറെ ബിസിനസ് നടത്തി വിജയം കൊയ്തവർ ഏറെയാണ്. "ഫിനിഷ്' എന്ന പേരിൽ തികച്ചും വേറിട്ട ആശയവുമായി മുന്നോട്ടു വന്നിരിക്കുകയാണ് തൃശ്ശൂർകാരനായ നിസാർ എന്ന യുവാവ്. മലേഷ്യൻ ഉൽപ്പന്നങ്ങളെ വടക്കുംനാഥന്റെ മണ്ണിലെത്തിച്ച് അവിടെ നിന്നും ഇന്ത്യയൊട്ടാകെ ബിസിനസ് നടത്തി വരുന്ന സംരംഭകനാണ് നിസാർ,  ഫിനിഷ് എന്ന  സംരംഭത്തിലൂടെ അദ്ദേഹം എത്തിക്കുന്നത് ഗുണമേന്മയുള്ള ഉത്പന്നങ്ങൾ മാ തമല്ല; പലരുടെയും സ്വപ്നസുന്ദരഭവനം എന്ന ആഗ്രഹത്തിലേക്ക് വ്യത്യസ്തമായ നിറക്കൂട്ടുകൾ കൂടിയാണ്.

1996 കാലഘട്ടം. നിസാറിന്റെ ഉപ്പയുടെ അനിയനായ അബ്ദുൾ അസീസിന്റെ മനസ്സിൽ ബിസിനസ് എന്ന മോഹമുദിച്ച സമയം. ഇക്കാലത്ത് നാട്ടിൽ അത് പ്രശസ്തിയില്ലാതിരുന്ന വോൾടൈൽസിന്റെയും റൂഫ് ടൈൽ സിന്റെയും ബിസിനസിന് അദ്ദേഹം തുടക്കമിട്ടു. മോശമല്ലാത്ത രീതിയിൽ ബിസിനസ്  മുന്നോട്ട് നീങ്ങി. പതിയെപ്പതിയെ നിസാറും അദ്ദേഹത്തിനൊപ്പം ബിസിനസ്സിൽ കൂടി. എന്നാൽ, ഉത്പന്നങ്ങളുടെയും അസംസ്കൃത വസ്തുക്കളുടെയും ഉത്പാദനം കുറഞ്ഞുവന്നതോടെ ബിസിനസിനെ അത് കാര്യമായി ബാധിച്ചു. ഉത്പാദനം കുറഞ്ഞതോടെ അവർ പതുക്കെ ഈ ബിസിനസ്സിൽ നിന്നും പിന്മാറി. എന്നിരുന്നാലും, ജീവിതത്തിൽ ഒരടിപോലും പിന്നോട്ട് വെക്കാൻ നിസാർ ഒരുക്കമായിരുന്നില്ല. അത്രയും മികച്ച അനുഭവങ്ങളാണ് ആദ്യസംരംഭത്തിൽ നിന്നും നിസാറിന് ലഭിച്ചത്. ഇത് മറ്റൊരു സംരംഭം തുടങ്ങുന്നതിലേക്ക് തന്നെ നയിച്ചു. 2016 മുതൽ ആരംഭിച്ച നീണ്ട പഠനങ്ങൾ ക്ക് ശേഷമാണ് ഒടുവിൽ ടെക്സ്ചർ ഡിസൈനുകൾക്കാവശ്യമായ ഉത്പന്നങ്ങൾ വിൽക്കുന്ന മലേഷ്യൻ കമ്പനിയെക്കുറിച്ച് അറിയുന്നത്. അങ്ങനെ 2018ൽ നിസാർ ഫിനിഷ് എന്ന തന്റെ സംരംഭത്തിന് തുടക്കം കുറിച്ചു.

ഫിനിഷിലേക്കുള്ള സ്റ്റാർട്ട്