ഓൾ ഇൻ വൺ

471 സിസി ഇൻലൈൻ 2 സിലിണ്ടർ എൻജിനുമായി ഹോണ്ടയുടെ പുതിയ മോഡൽ

- നോബിൾ എം. മാത്യു

അഡ്വഞ്ചർ ടൂറർ സിബി 500 എക്സിനു പകരക്കാരനായി ഹോണ്ട കൊണ്ടുവന്ന മോഡലാണ് എൻഎക്സ് 500. ഡ്യുവൽ സ്പോർട്, സ്പോർട് ടൂറർ, അഡ്വഞ്ചർ ടൂറർ എന്നിങ്ങനെയാണ് എൻഎക്സ് 500നുള്ള വിശേഷണങ്ങൾ. നമ്മുടെ നിരത്തിൽ ഇതിലേത് വിശേഷണമാണ് എൻഎക്സിനു കൂടുതൽ ഇണങ്ങുക? റൈഡ് ചെയ്തു നോക്കാം...

ഡിസൈൻ

സിബി500 എക്സിനെക്കാളും മസ്കുലറും സ്പോർട്ടിയുമാണ് കാഴ്ചയിൽ എൻഎക്സ് 500. തല ഉയർത്തി, കുതിക്കാൻ വെമ്പി നിൽക്കുന്ന വന്യമൃഗത്തിന്റെ കരുത്തു നിഴലിക്കുന്ന രൂപകൽപന. വലുപ്പമുള്ള മുൻഫെയറിങ്ങും ഉയരമേറിയ വൈസറും ചെറിയ എൽഇഡി ഹെഡ്ലാംപും മുൻഭാഗത്തെ വ്യത്യസ്തമാക്കുന്നു. സ്മാർട് ഫോൺ കണക്ടിവിറ്റിയും ടേൺ ബൈ ടേൺ നാവിഗേഷനുമുള്ള പുതിയ ടിഎഫ്ടി ഇൻസ്ട്രുമെന്റ് ക്ലസ്റ്ററാണ്. ക്ലാരിറ്റിയും ഗ്രാഫിക്സും അത്യുഗം. സ്വിച്ച് ഗിയറുകളുടെ ക്വാളിറ്റിയും ഉപയോഗിക്കാനുള്ള എളുപ്പവും എടുത്തുപറയാം. ഫിറ്റ് ആൻഡ് ഫിനിഷ് പെയിന്റ് ക്വാളിറ്റി എന്നിവ ടോപ്. പേൾ ഹൊറൈസൺ വൈറ്റ്, ഗ്രാൻഡ് പ്രിക്സ് റെഡ്, മാറ്റ് ഗൺ പൗഡർ ബ്ലാക് മെറ്റാലിക് എന്നിങ്ങനെ മൂന്നു നിറങ്ങളിൽ ലഭിക്കും.

എൻജിൻ

471 സിസി ലിക്വിഡ് കൂൾഡ് പാരലൽ ട്വിൻസിലിണ്ടർ എൻജിനാണ്. 8500 ആർപിഎമ്മിൽ 47.5 പിഎസ് ആണ് കൂടിയ കരുത്ത്. ടോർക്ക് 6500 ആർപിഎമ്മിൽ 43 എൻഎമ്മും. 6 സ്പീഡ് ട്രാൻസ്മിഷനാണ്.