പുതിയ കാർ വാങ്ങേണ്ട, സബ്സ്ക്രൈബ് ചെയ്യാം.

മുഴുവൻ തുക മുടക്കിയോ ബാങ്ക് ലോൺ എടുത്തോ ഇനി കാർ വാങ്ങേണ്ട. വാഹന വിപണിയിലെ പുതിയ ട്രെൻഡായി വെഹിക്കിൾ സബ്സ്ക്രിപ്ഷൻ

- റോഷ്നി

"പുതിയ ജിംനി വാങ്ങിയാൽ കൊള്ളാമെന്നുണ്ട്. പക്ഷേ, അത്രയും പണം മുടക്കാനില്ല...' എന്നു ചിന്തിക്കുന്നവരാണോ നിങ്ങൾ? എന്നാൽ ദിവസങ്ങൾക്കുള്ളിൽ ജിംനി വീട്ടിലെത്താൻ വഴിയുണ്ട്. ഇതിനായി ലോൺ വേണ്ട, സേവിങ്സും വേണ്ട.

സാധാരണ പുതിയ കാർ വാങ്ങാൻ പ്ലാനുണ്ടെങ്കിൽ ആദ്യം ലോൺ അന്വേഷിക്കണം. ഡൗൺ പേയ്മെന്റ് തുക കണ്ട ത്തണം, ഇൻഷുറൻസ്, റോഡ് ടാക്സ്, എല്ലാ മാസവുമുള്ള ഇഎംഐ എന്നിങ്ങനെ തലവേദനകൾ ഒട്ടേറെയാണ്. അതുമാത്രമല്ല ആറു മാസം കൂടുമ്പോഴുള്ള സർവീസ് ചാർജ് വേറെ. അവസാനം ലോൺ തീരുമ്പോഴേക്കും ചുരുങ്ങിയത് 6-7 വർഷമാകും. വണ്ടി സ്വന്തമാകുമ്പോഴേക്കും മോഡൽ വിപണിയിൽ നിന്നു ഔട്ട് ആയിട്ടുണ്ടാകും. പുതിയ കാർ സ്വന്തമായി വേണമെന്നതു നിർബന്ധമാണോ? ഓടിച്ചാൽ പോരെ? ഈ നൂലാമാലകൾ ഒഴിവാക്കുകയും ചെയ്യാം. അതിനാണ് വെഹിക്കിൾ സബ്സിപ്ഷൻ. വേണമെങ്കിൽ സ്വന്തം പേരിൽ ന്നെ വണ്ടി റജിസ്റ്റർ ചെയ്യാനും പറ്റും.

എന്താണ് വെഹിക്കിൾ സബ്സ്ക്രൈബ്

ഗൾഫുകാർ നാട്ടിൽ വരുമ്പോൾ ഒന്നോ രണ്ടോ മാസത്തേക്ക് റെന്റ് എ കാർ എടു ക്കാറില്ലേ? അതുപോലെ വാഹന നിർമാ താക്കളിൽനിന്നു നേരിട്ട് കാർ വാടകയ്ക്ക് എടുക്കുന്ന പദ്ധതിയാണ് വെഹിക്കിൾ സബ്സ്ക്രൈബ്. പത്രങ്ങളും ആനുകാലികങ്ങളും സബ്സ്ക്രൈബ് ചെയ്യുന്നതു പോലെ. എല്ലാ മാസവും നിശ്ചിത തുക വാടകയായി നൽകിയാൽ മതി.

എത്ര രൂപ വരെ

സെലേറിയോ ആണെങ്കിൽ 14,521 രൂപ മാസം നൽകിയാൽ മതി. മാരുതി സുസുക്കി മോഡലുകളാണെങ്കിൽ വാഗണാർ മുതൽ ഇൻവിക്റ്റോ വരെ ഇങ്ങനെ സബ്സ്ക്രൈബ്ചെയ്യാം. വേരിയന്റ് അനുസരിച്ചു മാസ വാടകയിൽ വ്യത്യാസം ഉണ്ടായിരിക്കും.

ഗുണങ്ങൾ