சங்கரனும் மார்க்கண்டேயனும்!

காலடி, ஆதிசங்கரர் பிறந்த ஊர். பொன்னை உருக்கி ஊற்றினாற் போல பூர்ணா நதி சலசலத்து ஓடினாள். பனிமலர் சடையை தாங்க்ய சங்கரனார் குழந்தை சங்கரனாக தன்னுள் நீராடவரப்போகிறான் என்பது மட்டுமல்ல. இன்று ஓர் அற்புதம் நிகழப்போகிறது என்று பொங்கி பூரித்தாள். சரித்தரத்தில் பதிவாகப் போகிறாள் அந்த பூர்ணா நதி.

- லட்சுமி ராஜரத்னம்

அதோ வந்துவிட்டன் சங்கரன். என்ன ஒரு தேஜஸ்! காந்தப் பார்வை. அத்வைதம் தழைக்க வரப் போகும் தன்னிகரற்ற தேஜசுடன் பார்த்தவர்கள் கையெடுத்து கும்பிட வைக்கும் தன்னிகரற்ற தோற்றம். பின்குடுமி. கமண்டலம் ஏந்தத் துடிக்கும் கரமலர்கள். மெல்லப் படியில் இறங்கினான்.