വിദേശയാത്ര, വിദേശ പഠനം 10% വരെ ചെലവേറും

മക്കളുടെ വിദ്യാഭ്യാസത്തിനടക്കം വിദേശത്തേക്കു പണമയയ്ക്കുന്നവരും വിദേശയാത്ര നടത്തുന്നവരും അടുത്ത മാസം മുതൽ അധിക തുക കണ്ടെത്തേണ്ടി വരും.

-  വിദേശത്തേക്ക് ഏഴു ലക്ഷം രൂപയ്ക്കു മേൽ അയച്ചാൽ ഇനി 5% ടിസിഎസ് ബാധകമാകും. പാൻ കാർഡില്ലെങ്കിൽ നിരക്ക് 10% ആണ്.

ഏപ്രിൽ ഒന്നു മുതൽ വിദേശത്തേക്കുള്ള യാത്രയ്ക്കും വിദേശപഠനത്തിനും 5-10% വരെ നികുതിയിനത്തിൽ അധികമായി നൽകണം. ഏഴു ലക്ഷം രൂപയ്ക്കു മേൽ വിദേശത്തേക്ക് അയച്ചാൽ 5% നികുതി ബാധകമാകും. ടൂർ പാക്കേജിലെ വിദേശയാത്രാ ചെലവിനും ഇതേ നിരക്കിൽ നികുതി നൽകണം.