சிட்டுக் குருவிகள் செல்போன் டவரால் அழிந்து வருகிறது என்பது ஒரு வடஇந்தியர் கிளப்பிவிட்ட பொய்!

"குழந்தைகள் மற்றும் பள்ளி மாணவர்களின் வெற்றுப் பொழுது போக்குகளைப் பறவை நோக்கல் எனும் ஒரு கலை சார்ந்த அறிவியலால் நிச்சயம் முறியடிக்க முடியும்...” என்று தீர்க்கமாகச் சொல்கிறார் செழியன்.ஜா. அண்மையில் இவர் வெளியிட்ட ‘பறவைகளுக்கு ஊரடங்கு' எனும் புத்தகம் பறவை நோக்கர்களிடையே பெரும் வரவேற்பைப் பெற்று வருகிறது.

- டி.ரஞ்சித்

வேலூரில் பிறந்த செழியன், ஒரு எம்.பி.ஏ, எம்.ஃபில் பட்டதாரி. வங்கியில் பணியாற்றியவர். இப்போது நிதி தொடர்பான ஆலோசனைகளை வழங்கி வருகிறார்.

"கல்லூரிக் காலத்திலேயே, அதாவது 2005லிருந்தே பறவைகள் தொடர்பான புத்தகங்களைப் படிக்க ஆரம்பித்துவிட்டேன். அப்போது பறவை நோக்கல் பற்றி எதுவும் தெரியாது. புத்தகங்களில் படிப்பதோடு சரி.