பழமையான விநாயகர் கோவில்கள்!

புனேயிலிருந்து 27 கி.மீ. தொலைவிலுள்ள தேயூர் என்ற ஊரில் இருக்கும் சிந்தாமணி விநாயகர் கோவில் 100 வருடம் பழமையானது. விநாயகரின் கண்கள், தும்பிக்கை ஆகியவைகளில் நகைகள் பதிக்கப்பட்டு ஜொலிக்கின்றன. சக்தி வாய்ந்த கணபதியாக விளங்கும் இவர், பக்தர்களின் வேண்டுதலை நிறைவேற்றி வைப்பவர்.

- ஆர்.மீனலதா

பிரம்மதேவர் தனக்கு நிலையான மனது வேண்டும். சஞ்சலங்கள் மற்றும் வேறு சிந்தனைகள் கூடாது என விநாயகரை வேண்டி தவமிருக்க, விநாயகர் அவருக்கு வரமளித்தார். அதனால் சிந்தாமணி விநாயகரென பெயர் வந்தது.

மற்றொரு குறிப்புப்படி, அபிஜித்து என்ற சிவபக்தரின் மகன் குணா, சிவபெருமானைக் குறித்து தவமிருந்து, தன்னை ஒருவராலும் வெல்ல இயலாத வரம் பெற்றிருந்தான்.

அவன் மனதில் ஆணவம் குடி கொண்டது. ஒருசமயம் காட்டுக்கு வேட்டையாடச் சென்ற சமயம், முனிவரின் ஆசிரமம் செல்ல, முனிவர் தம்மிடமிருந்த அரிய சிந்தாமணி எனும் மணியின் கபில் மூலம் சுவையான உணவுகளை வரவழைத்து அவனுக்கு அளித்தார். அதைக் கண்ட குணா, அம்மணியைக் கேட்க, முனிவர் மறுக்க, அவன் வலுக்கட்டாயமாக அதைப் பறித்துச் சென்றான்.