കൗമാരക്കാരിലെ അമിതനിരാശ

കുട്ടിത്തം വിട്ടുമാറി ജീവിതത്തിന്റെ പുതിയൊരു ഘട്ടത്തിലേയ്ക്ക് ശാരീരികമായും മാനസികമായും മാറ്റങ്ങൾ അഭിമുഖീകരിക്കുന്ന ഘട്ടമാണിത്. ആൺകുട്ടികളെക്കാൾ ഈ പ്രായത്തിൽ കൂടുതൽ മാനസിക സംഘർഷത്തിന് വിധേയരാകുന്നത് പെൺകുട്ടികളാണ്.

- മഞ്ജു

ഒരു വ്യക്തിയുടെ ജീവിതത്തിൽ ഏറെ പ്രാധാന്യത്തോടെ കൈകാര്യം ചെയ്യപ്പെടേണ്ട പ്രായമാണ് കൗമാരം. കുട്ടിത്തം വിട്ടുമാറി ജീവിതത്തിന്റെ പുതിയൊരു ഘട്ടത്തിലേയ്ക്ക് ശാരീരികമായും മാനസികമായും മാറ്റങ്ങൾ അഭിമുഖീകരിക്കുന്ന ഘട്ടമാണിത്. കുട്ടികളെ സംബന്ധിച്ചിടത്തോളം ഒരു പരീക്ഷണഘട്ടമെന്ന് പറയാം. ആൺകുട്ടികളെക്കാൾ ഈ പ്രായത്തിൽ കൂടുതൽ മാനസിക സംഘർഷത്തിന് വിധേയരാകുന്നത് പെൺകുട്ടികളാണ്. നിർഭാഗ്യകരമെന്നു പറയട്ടെ ഈ മാറ്റത്തിന്റെ കാലഘട്ടത്തെ വേണ്ടത്ര ഗൗരവത്തോടെ കാണുന്ന മാതാപിതാക്കൾ കുറവാണ്. ഇന്ന് നമ്മുടെ യുവതലമുറയിൽ കണ്ടുവരുന്ന നിരവധി പ്രശ്നങ്ങൾക്ക് കാരണം മാതാപിതാക്കളുടെ ഈ അവഗണനയാണ്.