ശരിയായ സമയം ശരിയായ സ്ഥലം സിനിമയ്ക്ക്

തന്റെ സിനിമായാത്രകളും പുതിയ വിശേഷങ്ങളും പങ്കുവച്ച് നടൻ സഞ്ജു സാനിച്ചൻ

- രജനികൃഷ്ണ

സിനിമാ നടൻ ആകാനാണ് ആഗ്രഹം എന്ന് പുറത്തു പറഞ്ഞാൽ, കേട്ടുനിൽക്കുന്നവർ ആരെങ്കിലും കളിയാക്കിയാലോ എന്ന് പേടിച്ച് ആ ആശ ഉള്ളിലൊതുക്കി കൊണ്ടുനടന്നിരുന്ന ഒരു കുട്ടിയാണ് ഞാൻ. കൂട്ടുകാർക്കൊപ്പം മതിലിലെ സിനിമ പോസ്റ്ററുകൾ കാണുമ്പോൾ, ഒരു ദിവസം എനിക്കും വരും എന്നുപറഞ്ഞ് എന്നെത്തന്നെ ആശ്വസിപ്പിച്ചിട്ടുണ്ട്. വീട്ടിൽ ഉള്ളവരോട് പോലും ഉള്ളിൽ മുളച്ചു പൊന്തിയ ഈ സിനിമാ ഭ്രാന്തിനെക്കുറിച്ച് ഒരക്ഷരവും മിണ്ടിയിരുന്നില്ല. കോളേജ് കാലഘട്ടത്തിൽ ഇടയ്ക്ക് വെച്ചപ്പോഴോ ഈ ആഗ്രഹത്തിന്റെ പുറത്ത് ഷോർട്ട് ഫിലിമുകൾ ചെയ്യാൻ ശ്രമിച്ചിട്ടുണ്ട്. പക്ഷേ, ആ ശ്രമങ്ങൾ എല്ലാം വിഫലം ആയിരുന്നു. ആ ഇടയ്ക്ക് വന്നിട്ടുള്ള എല്ലാ കാസ്റ്റിംഗ് കോളുകളിലും, ഒഡിഷനിലും ഞാൻ എന്റെ സാന്നിധ്യം ഉറപ്പു വരുത്തിയിട്ടുണ്ട്. ആരോടും പറയാതെ ഒറ്റയ്ക്കുള്ള ശ്രമങ്ങൾ ഒന്നും തന്നെ വെളിച്ചം കാണാതെ ആയപ്പോൾ, ഉള്ളിൽ വല്ലാത്ത നിരാശ തോന്നി. അതിനിടയിൽ ഒരു ജോലി ലഭിച്ച് ഞാൻ ബാംഗ്ലൂരിലേക്ക് പോയി. അപ്പോഴേക്കും മനസ്സിന്റെ അടിത്തട്ടിൽ കൊണ്ടുനടന്നിരുന്ന സിനിമ, അതിന്റെ വേരുറപ്പിച്ച് പടർന്നു പന്തലിച്ചിട്ടുണ്ടായിരുന്നു. ബാംഗ്ലൂർ നിന്നും നാട്ടിലെത്തി വീണ്ടും ശ്രമങ്ങൾ തുടരുന്നതിനിടയിൽ അപ്ലൈ ചെയ്തിട്ട നിരവധി ഒഡിഷനുകളിൽ ഒന്ന് ജൂൺ സിനിമയുടേതായിരുന്നു. ഒഡിഷന് സെലക്ട് ആയെന്ന് അറിഞ്ഞപ്പോൾ ഉണ്ടായിരുന്ന സന്തോഷം വാക്കുകൾ കൊണ്ട് പറഞ്ഞറിയിക്കാൻ ആകുന്നതായിരു