Colorful Vibes

നൂറിലധികം കഥാപാത്രങ്ങളെ അവതരിപ്പിച്ചുകൊണ്ട് ഇന്നും പ്രേക്ഷക ഹൃദയങ്ങളിൽ സ്ഥിരപ്രതിഷ്ഠ നേടിയ സാജനും ഒപ്പം ബിന്നിയും

- അപ്പൂസ് കെ.എസ്

സാജന് ടെലിവിഷനിലെ മമ്മുക്ക, കുഞ്ചാക്കോ ബോബൻ എന്നൊക്കെ വിളിപ്പേരുകളുണ്ടല്ലോ...?

സാജൻ: കുറേയധികം കേട്ടിട്ടുണ്ട്. വലിയ സ്റ്റാറുകളെ ഞാനുമായി താരതമ്യം ചെയ്യുമ്പോൾ സന്തോഷം തന്നെയാണ് അത്. പക്ഷേ എനിക്ക് ഞാനായിത്തന്നെ അറിയപ്പെടാനാണ് ഇഷ്ടം.

സാജനെ സംബന്ധിച്ചിടത്തോളം ഇതിനോടകം നൂറിലധികം കഥാപാത്രങ്ങൾ ചെയ്തുകഴിഞ്ഞു. ഈയൊരു പ്രായത്തിലും ചെറുപ്പക്കാരന്റെ വേഷത്തിൽ തന്നെ അഭിനയിക്കാൻ കഴിയുന്നു....

സാജൻ: പലരും എന്നോട് ചോദിക്കാറുണ്ട്. എങ്ങനെയാണ് ഇപ്പോഴും ചുറുചുറു ക്കോടെയുള്ള ചെറുപ്പക്കാരൻ വേഷങ്ങൾ ചെയ്യുന്നത് എന്ന്. പക്ഷേ എനിക്ക് അങ്ങനെയൊന്നുമില്ല. എന്റെ കഥാപാത്രത്തിന് വയസ്സ് എന്താണോ അതാണ് എന്റെ വയസ്സ്.

ബിന്നിയുടെ ആദ്യത്തെ സീരിയലാണിത്...

ബിന്നി: ഞാൻ ഇതിന് മുമ്പ് ഒരു സിനിമ ചെയ്തിട്ടുണ്ട്. പക്ഷേ എന്നെ ആളുകൾ തിരിച്ചറിഞ്ഞിരുന്നില്ല. തിരിച്ചറിഞ്ഞു തുടങ്ങുന്നത് ഗീതാഗോവിന്ദത്തിന് ശേഷമാണ്. അമ്മമാരും, ചെറുപ്പക്കാരും ഒക്കെ നല്ല അഭിപ്രായങ്ങൾ പറയാറുണ്ട്. ഫേസ്ബുക്കിലും ഇൻസ്റ്റഗ്രാമിലും ഒക്കെ മെസേജുകൾ അയയ്ക്കാറുണ്ട്.