പ്രതിനായികയായി അഭിനയിക്കാൻ ഞാൻ മാത്രമേയുള്ളൂ...

തമിഴിലും തെലുങ്കിലും വളരെയധികം തിരക്കുള്ള ഈ താരത്തെ കണ്ടപ്പോൾ ചോദിച്ചുതുടങ്ങി.

- വരലക്ഷ്മി ശരത്കുമാർ

വരലക്ഷ്മി ശരത്കുമാർ കേവലം ഒരു സിനിമാ നടി മാത്രമല്ല. അച്ഛൻ ശരത്കുമാറിന്റെ പാത പിന്തുടരുന്ന സാമൂഹ്യ പ്രവർത്തക കൂടിയാണ്. തെന്നിന്ത്യൻ സിനിമയിൽ ശബ്ദഗാംഭീര്യം കൊണ്ടും, സ്ക്രീൻ പ്രസൻസുകൊണ്ടും തന്റെ സാന്നിദ്ധ്യം വെള്ളിത്തിരയിൽ ഉറപ്പിച്ച നടിയാണിവർ. അതുകൊണ്ടുതന്നെ ഒരു മുരടൻ സ്വഭാവത്തിനുടമയാണെന്നാണ് ഇവരെക്കുറിച്ചുള്ള പലരുടേയും ധാരണ. എന്നാൽ അടുത്തിടപഴകിയാൽ മാത്രമേ അറിയൂ, വളരെ സോഫ്റ്റ് നേച്ചർ ആണെന്ന്. തമിഴിലും തെലുങ്കിലും വളരെയധികം തിരക്കുള്ള ഈ താരത്തെ കണ്ടപ്പോൾ ചോദിച്ചുതുടങ്ങി.

വളരെ തിരക്കുള്ള കാലമാണല്ലോ നിങ്ങൾക്ക്.. എത്ര സിനിമകളിൽ അഭിനയിച്ചു കഴിഞ്ഞു...

അടുത്തിടെയാണ് പാൻ ഇൻഡ്യാ സിനിമയായ യശോദ'യും, വീരസിംഹ റെഡ്ഡിയും റിലീസായത്. ഹനുമാൻ, ശബരി, കൊണാൽ പായസം ഉൾപ്പെടെയുള്ള സിനിമകൾ പൂർത്തിയായിക്കഴിഞ്ഞു. നാലഞ്ചു പ്രോജക്ടുകൾ വേറെയുമുണ്ട്. അതിനെക്കുറിച്ചുള്ള കാര്യങ്ങൾ അവർ (നിർമ്മാതാക്കൾ) തന്നെ വെളിപ്പെടുത്തും.

പെട്ടെന്ന് വണ്ണം കുറച്ച് ബോഡി അതേ പടി മെയിന്റയിൻ ചെയ്യുന്നുണ്ടല്ലോ..എന്താണീ ഫിറ്റ്നസ് രഹസ്യം?

ഫിറ്റ്നെസൊന്നുമല്ല. ഡയറ്റ് തന്നെ.. 80% ശതമാനം ഡയറ്റ്. പിന്നെ സമയം കിട്ടുമ്പോഴൊക്കെ ബാന്റ്മിന്റൺ കളിക്കും. അതുരണ്ടും മാത്രമാണ് കാരണം.