பெருகும் லிவிங் டு கெதர் கலாச்சாரம்...

இன்று உலகம் நவீனத்தை நோக்கி செல்வதை காண முடிகிறது. அந்த வகையில் திருமணம் செய்யாமல் சேர்ந்து வாழும் லிவிங் டு கெதர் கலாச்சாரம் சமீப காலமாக இந்தியாவிலும் அதிகரித்து வருகிறது.

- எஸ்.ரவீந்திரன்

கருத்தடை மாத்திரை அபாயம்?

பாலின வாழ்க்கை 10 முதல் 15 வருடம் அதிகப்பட்சமாக மகிழ்ச்சி அளிப்பதாக இருக்கலாம். ஆனால் அதன் பின் உள்ள எஞ்சிய வாழ்க்கை முறையை இவர்கள் எப்படி கடைபிடிப்பார்கள் என்று தெரியவில்லை.

2000 முதல் 3000 ஆண்டுக்கு முன், இப்படிப்பட்ட ஒரு வாழ்க்கை முறை இருந்தது. பெண் பித்தர்களாலும், சுயநல விரும்பிகளாலும், பெண்ணை போகப் பொருளாக பயன்படுத்தி, குழந்தைகளை பெற்ற பின் கைவிடுவதால், நம் முன்னோர்கள் திருமண சடங்கை அறிமுகப் படுத்தினர்.

தெய்வத்தை முன்னிறுத்தி, சாட்சியாக, சமுதாய மக்கள் சாட்சியாக, இரு மணங்கள் கை கோர்த்து தன் மீதம் இருக்கும் வாழ்க்கையை இருவரும் ஒன்றாக, ஒற்றுமையாக வாழ்ந்து சந்ததிகளை காத்து, ஒரு பொறுப்புள்ள தம்பதியராக அவர்களை ஆக்கியது. மனிதனின் மனம் சஞ்சலம் உடையது.

வண்டு மலர் விட்டு மலர் தாவுவதை போன்று, மனித மனம் இன்பம் ஒன்றை குறிக்கோளாக கொண்டு, எங்கு இன்பத்தின் நுகர்வு அதிகம் உண்டோ அங்கு தாவுகிறது. இதில் ஆண், பெண் பேதம் இல்லை.

இங்கு சமுதாய கட்டமைப்பு, பாலுறவை தாண்டி, அவர்களுக்கு சமுதாய கடமைகளை ஏற்படுத்தி வைக்கிறது. திருமண பந்தம் உடையவர்களை ஒரு பொறுப்புள்ள சமூக நலம் சார்ந்த இணைகளாக கட்டமைக்கிறது. அதற்கு உரிய அங்கீகாரம் அளித்து, அவர்களை மேன்மைப்படுத்துகிறது.

மேற்கத்திய நாடுகளில் கூட திருமண உறவுகள் நீடிப்பதைப் போல், ஏன் லிவிங் டுகெதர் வாழ்க்கை நிலைப்பதில்லை எனப் பல்வேறு சமூகவியல் ஆய்வுகள் மூலம் தெரிய வந்துள்ளது.

இந்த லிவின் உறவுக்குள் வரும் பலர் அதை ஒரு சோதனை முயற்சி என்ற பெயரில் செய்கிறார்கள். ஆனால், அவர்களுமே கூட நீண்டகாலம் அந்த உறவில் நீடிப்பதில்லை. இந்த விஷயத்தில் மற்றொரு பிரச்சனை கவனத்தை ஈர்த்துள்ளது.

அதாவது இந்த லிவிங் டுகெதர் கலாச்சாரத்தின் பின்னணியில் குறிப்பிடத்தக்க அம்சம் என்னவெனில் கருத்தடை மாத்திரைகள் விற்பனை அதிகரித்துள்ளதாக ஒரு ஆய்வு தெரிவித்துள்ளது.