മൈക്രോ ആർ.എൻ.എ.

വൈദ്യശാസ്ത്ര നോബൽ പുരസ്കാരം

- ഡോ. റസീന എൻ.ആർ. ഫോൺ : 7025990690

വൈദ്യശാസ്ത്രത്തിനുള്ള 2024-ലെ നോബൽ സമ്മാനം മൈക്രോ ആർ.എൻ.എ.(miRNA)യുടെ കണ്ടെത്തലിനാണ്. അമേരിക്കൻ ശാസ്ത്രജ്ഞരായ വിക്ടർ ആംബ്രോസ് (Victor Ambros) ഗാരി റുവ് കുൻ (Gary Ruvkun) എന്നിവരാണ് പുരസ്കാരം പങ്കുവെച്ചത്. മൈക്രോ ആർ.എൻ.എയുടെ പ്രാഥമിക കണ്ടെത്തൽ വഴി ജീൻ നിയന്ത്രണത്തിന്റെ പുതിയതും അപ്രതീക്ഷിതവുമായ സംവിധാനത്തിലേക്ക് വാതിൽ തുറക്കപ്പെട്ടു” സ്റ്റോക്ക് ഹോമിലെ കരോലിൻസ്ക ഇൻ സ്റ്റിറ്റ്യൂട്ടിലെ ഫിസിയോളജി ആൻഡ് മെഡിസിൻ നോബൽ കമ്മിറ്റി വൈസ് ചെയർമാൻ ഒലെ കാംപെ (Olle Kämpe) ഒക്ടോബർ 7-ന്സമ്മാന പ്രഖ്യാപന വേളയിൽ പറഞ്ഞു. കാൻസർ, വേദന, ചൊറിച്ചിൽ, നേത്രരോഗങ്ങൾ, വൻകുടലിൽ ജീവിക്കുന്ന സൂക്ഷ്മാണുക്കളുടെ മിശ്രിതം നിയന്ത്രിക്കൽ എന്നിവയിൽ മൈക്രോ ആർ. എൻ.എകൾ പ്രധാന പങ്ക് വഹിക്കുന്നു. ഈ കണ്ടെത്തൽ കോശങ്ങൾ എങ്ങനെ വ്യത്യാസപ്പെടുകയും പ്രത്യേക തകൾ നേടുകയും ചെയ്യുന്നു എന്നതിനെക്കുറിച്ചുള്ള അടിസ്ഥാനപരമായ വിവരങ്ങൾ നൽകുന്നു. ഇത്തരത്തിലുള്ള അടിസ്ഥാനപരമായ മനസിലാക്കൽ ഉണ്ടാകുന്നത്, ആപ്ലിക്കേഷനുകൾ വികസിപ്പിക്കുന്നതിനുള്ള ആദ്യപടിയാണ്. സമിതി അധ്യക്ഷ ഗുണില്ല കാൾസൺ ഹെഡൊം (Gunilla Karlsson Hedestam) കൂട്ടിച്ചേർത്തു.

എല്ലാ കോശങ്ങൾക്കും ഒരേ ഡി.എൻ.എ. ഉള്ളപ്പോൾ കോശങ്ങൾ, മസ്തിഷ്ക പേശികൾ, അസ്ഥി, നാഡി എന്നിങ്ങനെ വ്യത്യസ്ത കോശങ്ങൾ നമുക്ക് എങ്ങനെ ഉണ്ടാകുന്നു എന്നതാണ് ശാസ്ത്രത്തിന്റെ പ്രധാന ചോദ്യങ്ങളിലൊന്ന്. ജീൻ നിയന്ത്രണമാണ് പ്രധാന കാരണം. എന്നാൽ ഓരോ കോശവും അതിന്റെ പ്രത്യേക പ്രവർത്തനത്തിന് പ്രസക്തമായ ഡി.എൻ.എ. നിർദ്ദേശങ്ങൾ മാത്രം തിരഞ്ഞെടുക്കുന്നു. ഈ ജീൻ നിയന്ത്രണം എങ്ങനെ നടക്കുന്നു എന്നതാണ് ഒരു പ്രധാന ചോദ്യം. വ്യത്യസ്ത തരത്തിലുള്ള കോശങ്ങൾ എങ്ങനെ ഉണ്ടാകുന്നു എന്നുള്ള കണ്ടെത്തലുകളിലായിരുന്നു വിക്ടർ ഗാരി റുവ്കുനും താൽപര്യമുണ്ടായിരുന്നത്. ജീനുകളുടെ നിയന്ത്രണത്തിൽ നിർണായക പങ്ക് വഹിക്കുന്ന ചെറിയ ആർ.എൻ.എ. തന്മാത്രകളുടെ ഒരു പുതിയ വിഭാഗമായ മൈക്രോ ആർ.എൻ.എ.അവർ കണ്ടെത്തി. മനുഷ്യർ ഉൾപ്പെടെയുള്ള ബഹുകോശ ജീവികൾക്ക് അത്യന്താപേക്ഷിതമായ ജീൻ നിയന്ത്രണത്തിന്റെ തികച്ചും പുതിയ ഒരു തത്വം അവരുടെ അത്ഭുതകരമായ കണ്ടെത്തൽ വെളിപ്പെടുത്തി. ആയിരത്തിലധികം മൈക്രോ ആർ.എൻ.എ.കൾക്കായി മനുഷ്യ ജീനോംകോഡുകൾ ഉണ്ടെന്ന് ഇന്ന് നമുക്കറിയാം. വിക്ടർ ആംബ്രോസിന്റെയും ഗാരി റുവ്കുന്റെയും കണ്ടെത്തൽ ജീൻ നിയന്ത്രണത്തിന് തികച്ചും പുതിയ മാനം നൽകി.