നവരാത്രിയും ദേവിയുടെ ഒൻപത് ഭാവാരാധനയും

നവരാത്രിയിലെ ഒൻപത് ദിവസങ്ങളിലെ ഓരോ രാത്രി കളും ദുർഗ്ഗാദേവിയുടെ ഓരോ ഭാവങ്ങൾക്കുവേണ്ടി സമർപ്പിക്കപ്പെട്ടിരിക്കുന്നു.

- ശ്രീരാഗം, ഇരിങ്ങാലക്കുട

ഈ ഓരോ ദിവസങ്ങൾക്കും അതിന്റേതായ പറയത്തക്ക പ്രത്യേകതകളുണ്ട്. കേരളത്തിൽ അഷ്ടമി, നവമി, ദശമി എന്നീ ദിവസങ്ങൾക്കാണ് നവരാത്രിയാഘോഷത്തിൽ പ്രധാനം. ഈ ദിവസങ്ങൾ ദുർഗ്ഗാഷ്ടമി, മഹാനവമി, വിജയദശമി എന്നീ പേരുകളിൽ അറിയപ്പെടുന്നു. അഷ്ടമിക്ക് ദുർഗ്ഗയേയും നവ മിക്ക് മഹാലക്ഷ്മിയേയും വിജയ ദശമിക്ക് സരസ്വതിയേയും വിശേഷാൽ പൂജിക്കുന്നു. വിജയത്തിന്റെയും ധർമ്മസംരക്ഷണത്തിന്റെയും സന്ദേശമാണ് നവരാത്രി നൽകുന്നത്. അതുകൊണ്ടുതന്നെ ഈ ദിനങ്ങൾ ഭക്ത്യാദരപൂർവ്വം അറിഞ്ഞ് ആചരിക്കണം.

തിന്മയുടെ മുകളിലുള്ള നന്മയുടെ വിജയം. അതാണ് നവരാത്രിയുടെ ഐതിഹ്യത്തിന്റെ ഇതി വൃത്തം. മഹിഷാസുരനെ വധിക്കുന്നതിൽ കൂടി തിന്മയുടെ പരാജയവും നന്മയുടെ വിജയവുമായി ഐതിഹ്യം പറയുന്നു. ഇതിനെ നമ്മൾ വിജയദശമിയായി കൊണ്ടാടുന്നു. നവരാത്രി കാലത്ത് ദേവിപൂജ ചെയ്താൽ ഒരു വർഷം മുഴുവൻ ദേവിപൂജ ചെയ്ത ഫലം സിദ്ധിക്കും.

വിദ്യാതടസ്സം മാറുക, സന്താന ലാഭം, മംഗല്യഭാഗ്യം, ശത്രുനാ ശം, ദാരിദ്ര്യമുക്തി എന്നിവ യൊക്കെ നവരാത്രിക്കാലത്തെ ദേവിപൂജയിലൂടെ സിദ്ധിക്കുന്നു.