வெளிநாட்டுத் தூதரகங்கள், தேசிய நிறுவனங்களுக்கு இடையே ஒத்துழைப்பை மேம்படுத்த ஒருங்கிணைந்த பொறிமுறை

இலங்கையின் வெளிநாட்டுத் தூதரகங்கள் மற்றும் தேசிய நிறுவனங்களுக்கு இடையிலான ஒத்துழைப்பை மேம்படுத்துவதற்காக ஒரு ஒருங்கிணைந்த புதிய பொறிமுறை அறிமுகப்படுத்தப்பட்டுள்ளது.

- 

வெளிநாட்டு அலுவல்கள் அமைச்சர் விஜித்த ஹேரத் கைத்தொழில் அமைச்சர் சுனில் ஹந்துன்நெத்தி, மற்றும் வர்த்தக அமைச்சர் வசந்த சமரசிங்க ஆகியோர் இணைந்து இந்த பொறிமுறையை ஆரம்பித்து வைத்தனர்.

நாட்டின் வர்த்தகம் மற்றும் முதலீட்டு நிகழ்ச்சி நிரலை புத்துயிர் அளிக்கும் நோக்குடன், அமைச்சக செயலாளர்கள் மற்றும் துறை சார்ந்த நிறுவனங்களின் தலைவர்கள் இந்த நிகழ்வில் பங்கேற்றனர். செப்டம்பர் 16ஆம் திகதி நடைபெற்ற இந்த அமர்வில், வெளிநாடுகளில் உள்ள அனைத்து இலங்கைத் தூதரகங்கள் மற்றும் உயர் ஸ்தானிகரகங்களின் தலைவர்களும் கலந்துகொண்டு, முக்கிய கொள்கை வழிகாட்டுதல்கள், நடைமுறை முன்மொழிவுகள், மற்றும் குறிப்பிட்ட யோசனைகள் குறித்து விவாதித்தனர்.