மாற்றத்துக்கான அரசாங்கத்தின் பயணம் மலினப்படுத்தப்படக் கூடாது

முன்னாள் ஜனாதிபதி ரணில் விக்கிரமசிங்க கைதுசெய்யப்பட்டு விளக்கமறியலில் வைக்கப்பட்டது எதிர்பார்க்கப்படாத ஒன்று. கடந்த வெள்ளிக்கிழமை விசாரணை செய்யப்படுவதற்காக பொலிஸுக்கு சென்றபோது எண்ணற்ற ஏனையவர்களுக்கு நேர்ந்த கதி தனக்கும் நேரும் என்று அவர் நம்பவில்லை என்று தோன்றுகிறது. இறுதியில் கைவிலங்கிடப்பட்ட நிலையில் குற்றவாளிகளை சிறைச்சாலைக்கு ஏற்றிச்செல்வதற்கு பயன்படுத்தப்படும் வாகனத்தில் கூட்டிச் செல்லப்பட்டார். எதிர்பாராத உணர்வதிர்ச்சியின் விளைவாக விக்கிரமசிங்க தற்போது கொழும்பு தேசிய வைத்தியசாலையின் தீவிர சிகிச்சை பிரிவில் இருக்கிறார்.

- 

இந்த "நாடகம்" பெருமளவு சர்ச்சையையும் மனவேதனையையும் ஏற்படுத்தியிருக்கிறது. முன்னாள் ஜனாதிபதி பொருளாதார வீழ்ச்சியில் இருந்தும் ஒன்றுக்கு மேற்பட்ட தடவைகள் ஏற்படவிருந்த அரசியல் குழப்ப நிலையில் இருந்தும் நாட்டைக் காப்பாற்றிய தலைவராக பலரால் நோக்கப்படுகிறார்.

முன்னாள் ஜனாதிபதிக்கு எதிரான குற்றச்சாட்டுகள், அவருக்கும் மனைவிக்கும் பத்துப்பேர் கொண்ட பாதுகாப்பு உத்தியோகத்தர்கள் மற்றும் அதிகாரிகள் குழுவினருக்குமான விமானப் பயணச் செலவு, தங்குமிட வசதி மற்றும் ஏனைய செலவினங்களுக்காக ஒரு கோடி 69 இலட்சம் ரூபா அரசாங்கப் பணத்தை துஷ்பிரயோகம் செய்ததுடன் தொடர்புடையவை என்று செய்திகள் கூறுகின்றன.

இந்தத் தவறு ஜனாதிபதி அவரது குழுவினருடன் ஐக்கிய இராச்சியத்துக்கு மேற்கொண்ட தனிப்பட்ட ஒரு விஜயத்தை மையமாகக் கொண்டதாகும். அந்தக் குழுவில் ஐவர் முன்னாள் ஜனாதிபதியின் பாதுகாப்புக்கு பொறுப்பாக இருந்த பாதுகாப்பு படைகளைச் சேர்ந்தவர்கள். அவர்கள் கியூபாவுக்கும் அமெரிக்காவுக்கும் உத்தியோகபூர்வ விஜயங்களை மேற்கொண்ட பிறகு நாடுதிரும்பும் வழியில் விக்கிரமசிங்கவின் மனைவிக்கு பல்கலைக்கழகம் ஒன்று கௌரவப் பேராசிரியர் பட்டம் வழங்கும் வைபவத்தில் கலந்து கொள்வதற்காக லண்டனுக்கு சென்றனர்.

உயர்மட்டத்தில் இருப்பவர்கள் தொடங்கி கீழ்மட்டத்தில் உள்ளவர்கள் வரை அரசாங்க உறுப்பினர்களினால் அரசாங்க வளங்கள் சுதந்திரத்துக்கு பின்னரான இலங்கையின் வரலாற்றில் ஓர் இயல்பான போக்காகவே இருந்துவருகிறது. காலப்போக்கில் அந்தப் பிரச்சினை மேலும் அதிகரித்து வந்திருக்கிறது.

ஒரு காலத்தில் பத்து சதவீதம் தரகுப் பணம் கேட்டதாக நம்பப்படும் அரசாங்க தலைவர்கள் நாளடைவில் அதை விடவும் பல மடங்கு பணத்தை கோரும் அளவுக்கு முறைகேடுகள் பெரும் பாய்ச்சலைக் கண்டன. அரசாங்க சொத்துக்கள் துஷ்பிரயோகத்துக்கு எதிரான சட்டத்தின் கண்டிப்பான பிரயோகம் கைதுசெய்யப்பட்டு விளக்கமறியலில் வைக்கப்பட்ட முதன் முதலான முன்னாள் அரச தலைவர் என்ற அபகீர்த்திக்கு உள்ளாக்கி விட்டது.

பதிலளிக்கப்படாத கேள்விகள்