மோடியின் சீன விஜயம் உலக பொருளாதாரத்தில் புதிய ஒழுங்கை உருவாக்குமா?

வல்லரசு நாடுகளுக்கிடையிலான அதிகாரப் போட்டிகள் புவிசார் அரசியலை எப்போதும் தணிய விடாது கொந்தளிப்பாகவே வைத்திருக் கின்றது. பல்வேறு புதிய சவால்களுக்கு மத்தியில் 7 ஆண்டுகளுக்கு பின்னர் பிரதமர் நரேந்திர மோடி சீனாவுக்கு விஜயம் செய்ய உள்ளார். இந்த விஜயம் குறித்து பல உலக நாடுகள் அவதானம் செலுத் தியுள்ள நிலையில், அமெரிக்காவுடனான சமீபத் திய பொருளாதார மோதல்களுக்கு பதிலளிக்கும் வகையில், உலக பொருளாதாரத்தில் மாற்று ஒழுங்கை உருவாக்குவதற்கான ஒரு விஜயமாக அமையும் என்றும் கூறப்படுகின்றது. எவ்வாறா யினும் ஆசியாவின் இரண்டு பெரிய நாடுகளுக்கு இடையேயான உயர் மட்ட பேச்சுவார்த்தையை மீள ஆரம்பிக்கும் நோக்கில், சீன வெளியுறவு அமைச்சர் வாங் யீ கடந்த 18 ஆம் திகதி திங்கட் கிழமை இந்தியாவுக்கு விஜயம் செய்து தொடர்ச் சியான இருதரப்பு சந்திப்புகளை முன்னெடுத்தி ருந்தார்.

- லியோ நிரோஷ தர்ஷன்

சீன வெளியுறவு அமைச்சர் வாங் யீ மற்றும் பிரதமர் நரேந்திர மோடி ஆகியோருக்கிடையி லான சந்திப்பு, இருநாட்டு தலைவர்களின் உயர் மட்ட விரிவான பேச்சுவார்த்தைக்கான களத்தை மீள அமைத்துள்ளது. எதிர்வரும் 31 ஆம் திகதி முதல் செப்டம்பர் 1 ஆம் திகதி வரை தியான் ஜினில் நடைபெறவுள்ள ஷங்காய் ஒத்துழைப்பு அமைப்பின் தலைவர்கள் உச்சி மாநாட்டின் இடையே சீன ஜனாதிபதி ஷி ஜின்பிங் உடனான சந்திப்பு தொடர்பில் தான் ஆவலுடன் உள்ளதாக பிரதமர் நரேந்திர மோடி குறிப்பிட்டுள்ளார்.

உச்சி மாநாட்டின் முடிவுகளுக்கு சாதகமான சூழ் நிலையை உருவாக்கும் வகையில், புது டில்லி மற்றும் பெய்ஜிங் நேரடி விமான சேவைகள் மற்றும் எல்லை வர்த்தகத்தை மீண்டும் தொடங் கவும், வர்த்தகம் மற்றும் முதலீடுகளை விரிவுப டுத்தவும் ஒப்புக்கொண்டுள்ளன. இதேவேளை எல்லை சர்ச்சைகளுக்கு குறைந்தது மூன்று புதிய எல்லைக் கட்டுப்பாட்டு அமைப்புகளை நிறுவு வதற்கும் இதன் போது இணக்கப்பாடுகள் எட் டப்பட்டுள்ளன. மேலும், எதிர்பாராத விதமாக, தாய்வான் விவகாரம் சீன வெளிவிவகார அமைச்சர் வாங் யீக்கு ஒரு முக்கியமான இராஜதந்திர வெற்றி யாக அமைந்தது.

புது டில்லியில் பேச்சுவார்த்தை நடந்து கொண்டி ருந்தபோதே, இந்திய வெளியுறவு அமைச்சர் எஸ். ஜெய்சங்கர், 'தாய்வான் சீனாவின் ஒரு பகுதி' என்று வாங் யீடம் கூறியதாக பெய்ஜிங்கில் இருந்து தக வல்கள் வெளியானது. அதே நேரத்தில், இந்தியா 'சீனாவின் ஒரு கொள்கையை தொடர்ந்து கடைப்பி டிக்கிறது' என்று இந்திய தேசிய பாதுகாப்பு ஆலோ சகர் அஜித் தோவால் கூறியதாகவும் தகவல்கள் வெளியாகின. இதனை உடனடியாக தெளிவுப டுத்த விரைந்த புது டில்லி அதிகாரிகள், தாய்வான் குறித்த இந்தியாவின் நிலைப்பாட்டில் எந்த மாற் றமும் இல்லை என்று மறுத்தனர். இந்தியாவின் கவனம் தாய்வானின் பொருளாதாரம், தொழில் நுட்பம் மற்றும் கலாசாரத்தில் தொடர்ந்தும் உள் ளது என்றும் அவர்கள் தெரிவித்தனர்.

சீன வெளிவிவகார அமைச்சர் வாங் யீயின் முதன்மை சந்திப்பு இந்தியாவின் தேசிய பாது காப்பு ஆலோசகர் அஜித் தோவலுடனாக இருந் தது. இருவருமே இருதரப்பு அரசாங்கங்களின் 'சிறப்புப் பிரதிநிதிகளாக' நியமிக்கப்பட்டுள்ளனர். இந்தத் தகுதியில், எல்லைப் பிரச்சினைகளின் சிக் கலான அரசியல் பரிமாணங்களைக் கையாளும் ஒரு உயர்மட்ட பேச்சுவார்த்தைக்கு அவர்கள் இரு வரும் தலைமை தாங்குகின்றனர்.