கனிஷ்ட கோல்வ் தங்கப் பரிவில் ரெஷான், காயா சம்பினாகினர் சகோதரர்கள் தேஜஸ் - யுவன்; அனன்யா - விஹான் அசத்தல்

இலங்கை கோல்வ் யூனியனின் கனிஷ்ட அபிவிருத்தி பிரிவினாரால் றோயல் கலம்போ கோல்வ் க்ளப் புற்தரையில் அண்மையில் நடத்தப்பட்ட ருக்மினி கோதாகொட கிண்ணத்துக்கான இலங்கை கனிஷ்ட கோல்வ் போட்டி (Match Play) சம்பியன்ஷிப்பில் சகோதரர்களும் ஒன்றுவிட்ட சகோதரர்களும் சாதித்ததை காண முடிந்தது.

- (நெவில் அன்தனி)

பொறுமை, நிதானம், இலக்கை நோக்கிய குறி, அர்ப்பணிப்பு, விடாமுயற்சி, கடின உழைப்பு ஆகிய அனைத்தையும் இளையவர்களுக்கு கற்றுக் கொடுக்கும் விளையாட்டுதான் கோல்வ் விளையாட்டாகும். கோல்வ் விளையாட்டை தமிழில் குழிப்பந்தாட்டம் என்று கூறுவார்கள்.

இங்கு குறிப்பிடப்பட்ட அனைத்து குணாம்சங்களையும் கோல்வ் சிறார்களிடம் காணக்கூடியதாக இருந்தது.

இப் போட்டிக்கு பத்தாவது வருடமாக பெரேரா அண்ட் சன்ஸ் அனுசரணை வழங்கியதுடன் இன்னும் பல வருடங்கள் இந்த அனுசரணை தெரிவிக்கப்பட்டது.

பத்தாவது ருக்மணி கொதாகொட கிண்ண கனிஷ்ட கோல்வ் போட்டி சம்பியன்ஷிப்பில் புதிதாக விருதுகள் அறிமுகப்படுத்தப்பட்டது. சிப் பிச் அண்ட் பட் (Chip Pitch and Putt) போட்டி, குழிக்கு மிகவும் அண்மித்த நகர்வு (Closest to the Pin), அதி நீண்ட தூர நகர்வு (Longest drive on the 8th Hole), மிகக் குறைந்த ஒட்டுமொத்த நகர்வுகள் (Lowest Gross Score), நான்கு வயது பிரிவுகளிலும் கோப்பைக்கான ஆறுதல் (Consolation Plate) போட்டிகள் ஆகியவற்றில் முதல் இரண்டு இடங்களைப் பெற்றவர்களுக்கு சான்றிதல்களும் பணப்பரிசுகளும் வழங்கப்பட்டது.