ஒரு கசப்பான உண்மை மீண்டுவர என்ன வழி?

இலங்கை பொருளாதார நெருக்கடியி லிருந்து மீண்டு வருகின்ற போதிலும் பேரண்ட பொருளாதார குறிகாட்டிகள் சிறந்த நிலையில் காண்பித்தாலும் கூட 22 மில்லியன் மக்களைக் கொண்ட இலங்கை அதில் 26 சதவீதத்தினரை வறுமைக்குள் ளேயே வைத்திருக்கிறது. இலங்கையை பொறுத்தவரையில் இதுவொரு கசப்பான உண்மையாகும்.

- 

வறுமை என்பது உலகளாவிய ரீதியில் ஒரு சவாலாகவே நீடிக்கிறது. குறிப்பாக, இலங்கை போன்ற வளர்ந்து வரும் நாடுகள், பொருளாதார ஏற்றத்தாழ்வுகள் மற்றும் சவால்களால் வறுமையின் பிடியில் சிக்கித் தவிக்கின்றன. ஒரு நாட்டின் உண்மையான வளர்ச்சி, அதன் குடிமக்கள் அனைவரும் அடிப்படைத் தேவைகளைப் பூர்த்தி செய்து, கண்ணியமான வாழ்க்கை வாழ்வதில் தான் தங்கியுள்ளது.

இலங்கையின் பொருளாதாரம் அண்மைக் காலங்களில் பல சவால்களை எதிர்கொண் டது. அதன் விளைவாக வறுமை தாண் டவமாடுகிறது. உலக வங்கி, உள்நாட்டு மற்றும் சர்வதேச அமைப்புகள் வெளியி டுகின்ற தரவுகளின்படி, இலங்கையில் வறுமை தற்போது 25.9 சதவீதமாக உள் ளது. அதாவது இலங்கையில் சுமார் 6 மில் லியன் (60 இலட்சம்) மக்கள் வறுமைக் கோட்டின் கீழ் வாழ்கின்றனர். ஐக்கிய நாடுகள் சபையின் தர நியமங்களின்படி, ஒரு நாளைக்கு இரண்டு டொலர்களுக்கும் குறைவாக வருமானம் பெறுபவர்கள் வறுமைக் கோட்டின் கீழ் உள்ளவர்களாகக் கருதப்படுகிறார்கள்.

கடந்த காலங்களைப் பொறுத்தவரையில், 1990 களில் இலங்கையில் வறுமை வீதம் மிக அதிகமாகக் காணப்பட்டது. எனினும், அதன் பின்னர் வறுமையைக் குறைப்பதற் கான நடவடிக்கைகள் முன்னெடுக்கப்பட் டன. குறிப்பாக, 2000ஆம் ஆண்டுகளில் வறுமைக் குறைப்பில் குறிப்பிடத்தக்க முன் னேற்றம் ஏற்பட்டது. சமுர்த்தி உள்ளிட்ட நீண்டகால அபிவிருத்தித் திட்டங்களும் ஓரளவு கை கொடுத்தன. இதன் விளைவாக, 2019ஆம் ஆண்டளவில் வறுமை வீதம் சுமார் 14 சதவீதமாக குறைந்தது. (அட்டவ ணையை பார்க்கலாம்)

ஆனால், 2022ஆம் ஆண்டு நாட்டில் ஏற் பட்ட பொருளாதார நெருக்கடி, டொலர் தட்டுப்பாடு, ரூபாவின் பெறுமதி வீழ்ச்சி (ஒரு டொலருக்கு 380 ரூபா), பணவீக்க அதிகரிப்பு, வாழ்க்கைச் செலவு உயர்வு, இறக்குமதி நெருக்கடி உள்ளிட்ட பல்வேறு காரணங்களினால் வறுமை மீண்டும் தலை விரித்தாடத் தொடங்கியது. அத்தியாவசியப் பொருட்களான எரிபொருள், எரிவாயு, மருந்துப் பொருட்கள் ஆகியவற்றை இறக்கு மதி செய்வதில் சிக்கல் நிலை ஏற்பட்டது. இந்தச் சூழலில் 2023ஆம் ஆண்டளவில் வறுமை வீதம் மீண்டும் 26 ஆக உயர்ந்தது.