86 ஆண்டுகளாக தலைமைத்துவத்தை முன்னெடுத்து எதிர்காலத்தை வடிவமைக்கும் இலங்கை வங்கி

இலங்கையின் முன்னணி அரச வணிக வங்கியான இலங்கை வங்கி தனது 86வது ஆண்டு விழாவை பெருமையுடன் கொண்டாடுகிறது.

- 

1939 ஆம் ஆண்டு ஆகஸ்ட் 1ஆம் திகதி தனது பயணத்தைத் தொடங்கிய இலங்கை வங்கி, காலப் போக்கில்நாட்டின் பொருளாதாரத்துடனும் சமூக முன்னேற்றத்துடனும் நெருக்கமாக இணைந்த ஒரு வலுவான நிறுவனமாக வளர்ந்து வந்துள்ளது.

அன்று கோட்டையில் அமைந்திருந்த ஒரு கிளையிலிருந்து இன்று இலங்கை முழுவதும் பரந்து விரிந்த மிகப்பெரியதும் நம்பகத்தன்மைக்குப் பெயர் பெற்றதுமான நிதிச் சேவை நிறுவனமாக இலங்கை வங்கி வளர்ந்துள்ளது. தற்போது வங்கிக்கு வலுவான சர்வதேச இருப்பும், நாடு முழுவதும் மில்லியன் கணக்கான வாடிக்கையாளர்களுக்கு சேவையளிக்கும் விரிவான கிளை வலையமைப்பும் உள்ளது.

வரலாற்றிலேயே சிறந்த நிதி செயற்றிறனைப் பதிவு செய்த பின், வங்கி தனது 86வது ஆண்டை இன்னும் வலிமையாக தொடங்கியுள்ளது. 2024 ஆம் ஆண்டில், இலங்கை வங்கி ரூபாய் 106.9 பில்லியன் இலாபத்தைப் பதிவு செய்தது. இது வங்கியின் இதுவரையிலான மிக உயர்ந்த லாபமாகும். இந்த முன்னேற்றம் 2025 ஆம் ஆண்டிலும் தொடர்கிறது; 2025 ஆம் ஆண்டின் முதல் காலாண்டிலேயே வரிக்கு முன்பான இலாபம் ரூபாய் 30 பில்லியனாக உயர்ந்தது.