அமெரிக்க தீர்வை வரியை 15 வீதமாகக் குறைக்கலாமா?

முன்னர் இலங்கை, அமெரிக்காவுடன் பேச்சுவார்த்தைகள் நடத்தி இதனை 15 சதவீதமாகக் குறைக்க வேண்டும் என்பதே தற்போதைய அரசாங்கத்தின் முக்கிய நோக்கமாக இருக்கிறது.

- 

அரசாங்கத்தின் சார்பில் அமைச்சர்கள், அதிகாரிகள் குழுவினர் தொடர்ந்து இணைய வழியாக அமெரிக்க வர்த்தக பிரதிநிதிகளுடன் பேச்சுவார்த்தைகளை நடத்திக் கொண்டிருக்கின்றனர். ஆகஸ்ட் மாதம் முதலாம் திகதிக்கு முன்னர் இலங்கைப் பிரதிநிதிகள் குழு அமெரிக்க பிரதிநிதிகள் குழுவுக்கும் இடையில் இது தொடர்பில் இணக்கப்பாடு எட்டப்பட வேண்டும்.

கடந்த வாரம் 'வீரகேசரி' பத்திரிகைக்கு வழங்கிய நேர்காணலில், பிரதான எதிர்க்கட்சியான ஐக்கிய மக்கள் சக்தியின் பாராளுமன்ற உறுப்பினர் ஹர்ஷ டி சில்வா, அமெரிக்க வரி விரைவில் 15 சதவீதமாகக் குறையும் என நம்பிக்கை தெரிவித்திருந்தார். இதற்கான விசேட காரணங்கள் எவையும் இல்லை என்றும், தொழில்நுட்ப ரீதியான விடயங்கள் தாக்கம் செலுத்தாது என்றும் குறிப்பிட்ட அவர், உபாயரீதியாக இலங்கைக்கு விதிக்கப்பட்டுள்ள வரி 15 சதவீதமாகக் குறைய சாத்தியம் இருப்பதாகவும் சுட்டிக்காட்டியிருந்தார். இந்நிலையில், உண்மையில் இவ்வாறு இலங்கைக்கு அமெரிக்கா விதித்துள்ள 30 சதவீத வரியைக் குறைக்க முடியுமா என்பது விரிவாக ஆராயப்பட வேண்டிய ஒன்றாகும்.

அமெரிக்காவின் புதிய வரிவிதிப்பு, அதன் தாக்கம்

தற்போது இலங்கையின் ஏற்றுமதிகளுக்கு அமெரிக்கா விதித்துள்ள வரி 30 சதவீதமாக உள்ளது. எதிர்வரும் ஆகஸ்ட் மாதம் முதலாம் திகதியில் இருந்து இந்தப் புதிய வரி அமுலுக்கு வரவுள்ளது. இதற்கு இவ்வாறு பல கோணங்களில் இந்த வரி விதிப்பினால் இலங்கைக்குச் சிக்கல்கள் ஏற்படும். எனவே, இதனை நிச்சயமாக 15சதவீதமாக இலங்கை குறைத்துக் கொள்ள வேண்டி இருக்கிறது. இல்லா விடின் நெருக்கடி ஒரு பெரிய சிக்கலைக் கொடுக்கும்.