30 ஆயிரம் ஆண்டுகளுக்கு முன் வாழ்ந்த தமிழர்களின் எச்சங்கள்: வாகரையில் புதைபொருள் ஆய்வு

வாகரைப் பிரதேசத்தில் அம்மனின் செப்பனிட்டு பொழியப்பட்ட கற்குழிங்களிலும் ஏராளமான பெருங்கற்காலச் சின்னங்கள் காணப்படுகின்றன.

- 

இச்சின்னங்கள், பெருங்கற்கால மக்களது பிரேத அடக்கத்துடன் தொடர்புடையவை. அவையாவன: ஈமத் தாழிகள், நடுகற்கள், கற்பதுக்கைகள், கல் மேசைகள், கல்லறைகள், கல் படுக்கைகள் முதலியனவாகும்.

இவ்வாறு ஈமச் சின்னங்களை அமைப்பது ஆதித் திராவிட மக்களின் சம்பிர தாய நடைமுறைகளும், வாழ்க்கை முறையும் கற்காலத்திலே (Stone age) தோற்றம் பெற்றவை. கற்காலத்தை பழைய கற்காலம் (Old stone age), இடைக்கற்காலம் (Mesolithic Nelolithic), பெருங்கற்காலம் (Megalothic) எனப் பகுத்து ஆராய்வது ஆய்வர்களது மரபு. இவற்றிலே முதல் மூன்றும், வரலாற்றுக்கு முற்பட்ட காலப் பகுதியாகும். இடையில் காணப்படுவது வரலாற்று இடைக்காலம் (proto history period) ஆகும். கடைசியாக உள்ளது எழுத்தாயமாகும். (Historic Period)

புதிய கற்காலத்துக்கும் வரலாற்றுக் காலப் பகுதிக்கும் இடையே உலோக காலமும் (Bronze age) பெருங்கற்காலமும் (Megalithic) தொடர்ச்சியாக காணப்படுகின்றன. பெருங்கற்காலம் எனப்படும் காலப்பகுதியானது ஈழத்தில் மட்டுமல்ல உலகம் முழுவதுமே நாகரிகம் ஏற்பட்ட காலப்பகுதியாகும்.

கடந்த ஒரு நூற்றாண்டு காலமாக மேற்கொள்ளப்பட்ட மேலாய்வுகளும் (Exploration) அகழ்வாராய்ச்சிகளும் (Excavations) பெருங்கற்கால நாகரிகத்தின் உண்மைகளை உலகறியத்தந்தன. இவை வட இந்தியா தொடக்கம், தென் இந்தியா, தமிழகம், ஈழம் வரை காணப்பட்டுள்ளதை பல்வேறு ஆய்வுகள் தெளிவாகக் காட்டுகின்றன. தென் இந்திய கலாசாரத்தின் பிரதிபலிப்பே ஈழத்திலும் காணப்பட்டது.

பெருங்கற்காலம் என்றால் என்ன?

பெருங்கற்கால கலாசாரம் என்றால் என்ன என்பதை நோக்கினால், அது பெரிய கற்களைக் கொண்டு ஈமச் சின்னங்களை அமைத்த காலப்பகுதி எனலாம். இக்கலாசாரத்தின் முக்கிய தன்மைகள் வருமாறு: மக்கள் குடியிருப்புக்கள், ஈமச் சின்னங்கள், வயல்களும், பயிரிடலும், குணங்கள், நீர்ப் பாசனம் என்பன. பெருங்கற்காலத்தில் மேற்குறிப்பிட்ட தன்மைகள் ஒருங்கே அமையப்பெற்றுக் காணப்பட்டன. (பண்டைய தமிழகம் சி.க. சிற்றம்பலம். 1981 திருநெல்வேலி 57,58)