இவான் ஜோன்சனின் 20 ஆண்டு நினைவஞ்சலி

2005 ஆம் ஆண்டு ஜூலை மாதம் 19 வயதான இவோன் ஜோன்சன் என்ற பெண் மிகவும் கொடூரமான முறையில் கொலை செய்யப்பட்ட சம்பவம் இலங்கை முழுவதும் பெரும் அதிர்ச் சியை ஏற்படுத்தியது.

- 

இலங்கை மற்றும் சுவீடன் ஆகிய இரு நாடுகளின் பிரஜையான இவோன், கொழும்பில் உள்ள ரோயல் பார்க் அடுக்குமாடி குடியிருப்பின் படிக்கட்டில் இறந்து கிடந்தார். அவரது குடும்பத்தினர் அங்குதான் வசித்து வந்தனர்.

அவர் மீது நடத்தப்பட்ட தாக்குதல் மிகவும் கொடூரமானது. அவர் பலமுறை கொடூரமாக தாக் கப்பட்டதால் அவரது மண்டை ஓடு 64 துண்டுக ளாகச் சிதைந்திருந்தது. அவரது தாடை எலும்பு முறிந்திருந்தது.

அவரது முகம் அடையாளம் தெரியாத அளவுக்குச் சிதைக்கப்பட்டிருந்தது. கழுத்தில் ஆழமான காயங்கள் காணப்பட்டன. அவர் மீது நடத்தப்பட்ட வன்முறை மிகவும் தீவிரமாக இருந்ததால், அனுபவமிக்க புலனாய்வாளர்கள் கூட அதிர்ச்சியடைந்தனர். அவர்கள் கண்ட காட் சிகளில் இதுவே மிகவும் கொடூரமான ஒன்று என்றும் விவரித்திருந்தனர்.

இவோன் கொடூரமாகத் தாக்கப்பட்டதோடு மட்டுமல்லாமல், அவரது மரணம் அவரது ஆடையைப் பயன்படுத்தி செய்யப்பட்ட ஒரு பயங்கரமான வன்முறைச் செயலாகவும் காணப் பட்டது. புலனாய்வாளர்கள் கண்டறிந்தபடி, இவோனின் நீண்ட கால்சட்டை (stretch pants) கீழே இழுக்கப்பட்டு, அவரது கழுத்தைச் சுற்றி ஒரு இறுக்கு கயிறாக (ligature) அது பயன்படுத் தப்பட்டு, மூச்சுத்திணறல் ஏற்படுத்தப்பட்டுள் ளது. மருத்துவ அறிக்கைகள், கழுத்தை இறுக்கி யதால் ஏற்பட்ட காயங்களை உறுதிப்படுத்தின. அவரது உடல் காணப்பட்ட மாடிப்படியின் கைப் பிடியில் (handrail) ஜூட் ஷ்ரமந்த அந்தோனி ஜயமஹாவின் இரத்தம் படிந்த கைரேகையின் ஒரு பகுதி தடயவியல் ஆதாரங்களாக கண்டறி யப்பட்டது. ஷ்ரமந்த தான் இவோனை கொடூ ரமான முறையில் கொலை செய்த குற்றவாளி எனத் தீர்ப்பளிக்கப்பட்டது. இவோன், தனது குடும்பம் வசித்த 23ஆவது மாடியில் இருந்து 19ஆவது மாடிக்கு கீழே இழுத்து வரப்பட்டார். செல்லும் வழியில் இரத்தக்கறைகளும், அவர் கடுமையாக போராடியதற்கான ஆதாரங்களும் இருந்தன. ஜயமஹா, இவோனின் ஆடைகளை திட்டமிட்டு, அவரது உயிரைப் பறிக்கப் பயன்ப டுத்தியிருந்தான்.