ரசிகர்களுக்கு விடை கொடுத்து பறந்தது கன்னடத்து பைங்கிளி சரோஜாதேவி

தமிழ் திரைப்பட உலகில் 1960 களில் முன்னணி நடிகையாக வலம் வந்த பழம்பெரும் நடிகை சரோஜா தேவி, (87 வயது) மூப்பால் வரும் உடல்நலப் பிரச்சினையால் நேற்று முன்தினம் (14.07.2025) காலமானார்.

- 

காலமானார் சரோஜாதேவி

கர்நாடக மாநிலம், பெங்களூருவில் உள்ள மல்லேஸ்வரத்தில் தனது வீட்டி லேயே காலமானார். தமிழ், தெலுங்கு, கன்னடம் உள்ளிட்ட தென்னிந்திய மொழிகள் மற்றும் ஹிந்தியிலும் நூற்றுக்கணக்கான படங்களில் நடித்து புகழ் பெற்றார். கன்னட திரை உலகின் முதல் பெண் சூப்பர்ஸ்டார் என்பது உட்பட பல பெருமைகளுக்குச் சொந்தக்காரரான சரோஜாதேவி, வயோதிகம் காரணமாக சமீப காலமாக படங்களில் நடிப்பதில் இருந்து ஓய்வெடுத்து வந்தார். தமிழில் அவர் சூர்யாவுடன் ஆதவன் படத்தில் கடைசியாக நடித்திருந்தார். மறைந்த சரோ ஜாதேவிக்கு திரையுலகினர் புகழஞ்சலி செலுத்தி வருகின்றனர்.'கன்னடத்து பைங்கிளி', 'அபிநய சரஸ்வதி' என்ற அடைமொழியுடன் கன்னட திரையுலகில் கொடி கட்டிப் பறந்த சரோஜா தேவி, தமிழ், தெலுங்கு, இந்தி உள்ளிட்ட மொழிகளிலும் தனது முத்திரையைப் பதித்தார். அவரது நீண்ட திரையுலகப் பயணத்தில், சுமார் 200க்கும் மேற்பட்ட திரைப்படங்களில் நடித்துள்ளார்.

எம்.ஜி.ஆர். உடன் 26 சிவாஜியுடன் 22

தமிழ் சினிமாவில், மக்கள் திலகம் எம்.ஜி.ஆர். உடன் 26 படங்களிலும், நடிகர் திலகம் சிவாஜி கணேசன் உடன் 22 படங்களிலும் நடித்துள்ளார்.

தமிழ் சினிமா ஜாம்பவான்களுடன் இணைந்து மறக்க முடியாத பல வெற்றிப் படங்களை அளித்த சரோஜா தேவி "அன்னை இல்லம்," "நாடோடி மன்னன்," "பாகப்பிரிவினை," "திருவிளையாடல்" போன்ற படங்களில் அவரது பங்களிப்பு இன்றும் பேசப்படுகிறது.

இவரது இயல்பான நடிப்பு, வசீகரமான புன்னகை மற்றும் கதாநாயகர்களுடன் இணக்கமான ஜோடிப் பொருத்தம் ஆகியவை அவரை ஒரு தலைமுறை ரசிகர்களின் கனவு நாயகியாக மாற்றின.

கன்னடம், தமிழ், தெலுங்கு, இந்தி எனப் பல மொழித் திரைப்படங்களில் முன்னணி நாயகியாக வலம் வந்த பி. சரோஜா தேவி, இந்திய சினிமாவின் வரலாற்றில் தனித்துவமான இடத்தைப் பிடித்துள்ளார். இந்திய அரசு இவருக்கு பத்மஸ்ரீ மற்றும் பத்ம பூஷண் விருதுகளை வழங்கி கௌரவித்துள்ளது.

பல மாநில அரசுகளின் விருதுகளையும், வாழ்நாள் சாதனையாளர் விருதுகளையும் பெற்றுள்ளார்.

சரோஜாதேவியின் குடும்ப பின்னணி

சரோஜாதேவி கர்நாடக மாநிலம் மைசூரில் ஜனவரி 7, 1938இல் பிறந்தார்.