யாழ்ப்பாணப் பண்பாடு: மறந்தவையும் மறைந்தவையும்

யாழ்ப்பாணத்துப் பண்பாட்டுக் கோலங்களிலே பொருளியல், புழங்கு பொருட்கள், போக்குவரத்து என்பவை ஒன்றுடன் ஒன்று நெருக்கமான தொடர்புடையவை ஆகவே காணப்படுகின்றன. எனவே இவற்றைத் தனித்தனியே குறிப்பிடாது ஒன்றாகவே குறிப்பிடுகின்றோம்.

- 

பொருளியல் யாழ்ப்பாணத்து அமைப்புப் பெரும்பாலும் விவசாயமாகவே இருந்தது. அவற்றை மேட்டு நிலப் பயிர்ச்செய்கை, பள்ள நிலப்பயிர்ச்செய்கை எனப்பகுக்கலாம். கரையோரப் பகுதிகளில் மீன்பிடி முக்கியமான பொருளாதார நடவடிக்கையாக இருந்தது. இவை பற்றி யாழ்ப்பாணத்து உணவுப் பழக்கங்கள் பற்றிக் கூறியவிடத்து விரிவாக விளக்கியுள்ளோம்.

யாழ்ப்பாணத்து விவசாய, பொருளாதாரப் பண்பாட்டில் புகையிலைச் செய்கைக்கு முக்கியமானதோர் இடமுண்டு. யாழ்ப்பாணத்து மண்வளம் புகையிலைச் செய்கைக்கு மிகவும் உகந்ததாக இருந்தமை குறிப்பிடத்தக்கது. காசுப்பயிரான புகையிலைச் செய்கை யாழ்ப்பாணத்திலே புதிய பணக்கார வர்க்கமொன்றினை உருவாக்கியது. யாழ்ப்பாணத்திலிருந்து புகையிலை தென்னிலங்கைக்கும், இந்தியாவுக்கும் ஏற்றுமதி செய்யப்பட்டது. அதிக வருமானந்தரும் புகையிலை, வெங்காயம் என்பன பயிர்ச்செய்கைகளினால் நிலவுடைமையாளரும், வணிகர்களுமே அதிகப் பயனைப் பெற்றனர்.

யாழ்ப்பாணத்துப் பொருளாதார வளர்ச்சியிலே புகையிலைப் பயிர் பெரிய பங்களிப்பினைச் செய்துள்ளது. புகையிலையைப் பயிரிடப்பட்டவர்களிலும் பார்க்கப் புகையிலையைத் தென்னிலங்கைக்கும், மலையகத்திற்கும் ஏற்றுமதி செய்தவர்கள் பெரும் பணக்காரர்கள் ஆனார்கள். தென்னலங்கையிலே (சுருட்டுக்கடை, புகையிலைக்கடை) புகையிலையைப் பிரதான விற்பனைப் பொருளாகக் கொண்டு கடைகள் பல தோன்றின. இதனால் உள்ளூர் முதலாளித்துவ சமூகமொன்று யாழ்ப்பாணத் தீபகற்பத்திலே உருவாகியது.

புகையிலையின் வருகை சுருட்டுக் கைத்தொழில் என்ற தொழில் வகையையும் உருவாக்கியது. சுருட்டுக் கைத்தொழில் நிலையங்கள் 'சுருட்டுக் கொட்டில்கள்' என்ற பெயரால் அழைக்கப்பட்டன. சுருட்டுக் கொட்டில்களில் ஒரு 'படிப்புப் பாரம்பரியமும் யாழ்ப்பாணத்திலே நிலவியமை குறிப்பிடத்தக்கது. யாழ்ப்பாணத்துப் பண்பாட்டில் 'படிப்புப்' பெற்றிருந்த முக்கியத்துவத்தினைச் சுருட்டுக் கொட்டில் வாசிப்புச் சுட்டி நிற்கிறது எனலாம். பெரிய எழுத்து மகாபாரதம், இராமாயணம், நல்லதங்காள், விக்கிரமாதித்தன் கதைகள் முதலியன சுருட்டுக் கொட்டில்களிலே வாசித்துக் காட்டப்பட்டனன். யிலே புராணப்படிப்பு முறை போல் 'இவ்வாசிப்பு மரபு' அமைந்தது எனக் கருதலாம். பிற்காலத்தில் தினசரிப் பத்திரிகை வாசிப்பதாக இம்மரபு மாற்றம் பெற்றது என்பர்.