இலங்கையில் முதல்முறையாக Ramen Savoury பிஸ்கட்டுடன் கொரிய சுவையை அனுபவிக்க அனைவருக்கும் மலிபன் வாய்ப்பளிக்கிறது

இலங்கையில் இளையோர் மத்தியில் கொரிய உணவு வகைகளின் பிரபலம் அதிகரித்து வருவதை தனக்கு சாதகமாகப் பயன்படுத்தும் நோக்குடன், Maliban Biscuit Manufactories (Pvt) Limited நிறுவனம், மிகவும் பிரபலமான Maliban Snackers தயாரிப்பு வரிசையின் கீழ் சமீபத்திய புத்தாக்கத்தை வெற்றிகரமாக அறிமுகப்படுத்தி வைத்துள்ளதன் மூலம் இலங்கையில் savoury சிற்றுண்டிகளின் புதிய சகாப்தத்தை உத்தியோகபூர்வமாக ஆரம்பித்துள்ளது. இலங்கை பிஸ்கட் சந்தையில் முதன்முதலில் கொரிய Ramen சுவை கொண்ட காரமான, மொறுமொறுப்பான, பாக்கெட்டை திறந்து உடனடியாக உண்ணக்கூடிய பிஸ்கட்டை அறிமுகப்படுத்தி, அசல் கொரிய Ramen சுவையின் வழுவற்ற, காரமான சுவையை வழங்குகிறது.

- 

இந்த சாதனையைக் கொண்டாடும் வகையில், மே 18 அன்று கொழும்பு சிட்டி சென்டரில் உள்ள ஸ்கோப் சினிமா அரங்கில் கொரிய Kpop இசைச் சக்கரவர்த்தி ATEEZ தோன்றும் ATEEZ World Tour: Towards the Light Will to Power என்ற இசைக்கச்சேரி திரைப்படத்தின் பிரத்தியேக காட்சியை மலிபன் ஏற்பாடு செய்தது. Snackers Korean Ramen தயாரிப்பு வகையின் அறிமுகத்தின் மூலமாக நடத்தப்பட்ட இந்த நிகழ்வு, Ramen போன்ற ஒரு அபிமானம்பெற்ற கொரிய சுவை உணவை Kpop இன் உலகளாவிய நிகழ்வோடு இணைக்கும் வகையில் மிகுந்த சிந்தனையுடன் சிறப்பாக ஒழுங்கமைக்கப்பட்டது. இது ரசிகர்களுக்கு ஒரு மறக்க முடியாத அனுபவத்தைத் தோற்றுவித்தது. இணையவழியில் இடம்பெற்ற போட்டியின் மூலம் தேர்ந்தெடுக்கப்பட்ட நூறு அதிர்ஷ்டசாலி ரசிகர்கள் இந்த சிறப்பு காட்சிக்கு அழைக்கப்பட்டு, சுவை விருந்தளிக்கப்பட்டது. இது கொரிய கலாச்சாரத்தின் துடிப்பான கொண்டாட்டத்தில் Gen Z ரசிகர்கள் மற்றும் Kpop ஆர்வலர்களை ஒன்றிணைத்தது.