சகல விசாரணைகளதும் அடித்தளமாக செம்மணி

செம்மணி மனிதப் புதைகுழியையோ அல்லது 2009 இல் இறுதிக்கட்ட யுத்தத்தின் போது இடம்பெற்ற போர்க்குற்றங்களையோ மாத்திரம் தமிழர்களுக்கு எதிரான மீறல்களாகக் கூற முடியாது. மாறாக 1948இல் நாடு சுதந்திரமடைந்ததிலிருந்து தமிழர்களுக்கு எதிராக மீறல்கள் தொடர்ந்து பதிவாகி வருகின்றன. தற்போது எதிர்பாராத விதமாகக் கண்டறியப்பட்டிருக்கும் செம்மணி மனிதப்புதை குழியை தமிழர்களுக்கு எதிரான சகலவிதமான மீறல்கள் தொடர்பிலும் விசாரணைகளை முன்னெடுப்பதற்கான அடித்தளமாகவே பார்க்க வேண்டும் என்று தமிழ்த்தேசிய அரசியல் கட்சிகளின் பிரதிநிதிகள் சுட்டிக்காட்டியுள்ளனர்.

- நா.தனுஜா

செம்மணி சித்துபாத்தியில் கண்டறியப்பட்ட மனிதப் புதைகுழி கான அடித்தளமாகவே பார்க்க வேண்டும் என்று தமிழ்த்தேசிய அரசியல் கட்சிகளின் பிரதிநிதிகள் சுட்டிக்காட்டியுள்ளனர். செம்மணி சித்துபாத்தியில் கண்டறியப் தற்போது வட, கிழக்கில் மாத்திரமன்றி தென்னிலங்கையிலும் மிக முக்கிய பேசுபொருளாக மாறியிருக்கிறது. இந்நிலையில் 2009 ஆம் ஆண்டு இறுதிக்கட்ட யுத்தத் தின்போது இடம்பெற்றதாகக் கூறப்படும் போர்க்குற்றங்கள் உள்ளடங்கலாக தமிழர்களுக்கு எதிரான மீறல்கள் தொடர்பில் கவனம் செலுத்தாமல், செம்மணி விவகாரத்துடன் மாத்திரம் அரசாங்கம் அதன் நீதி விசாரணை மற்றும் பொறுப்புக்கூறல் செயன்முறையை நிறுத்திக்கொள்ளுமோ என்ற கரிசனை பலர் மத்தியிலும் எழுந்திருக்கிறது.

இவ்வாறானதொரு பின்னணியில் செம்மணி மனிதப்புதைகுழி தொடர்பான உண்மைகள் கண்டறியப்பட்டு நீதி மற்றும் பொறுப்புக்கூறல் என்பன உறுதி செய்யப்படவேண்டிய அதேவேளை தமிழர்களுக்கு எதிரான மீறல்கள் பரந்துபட்ட அடிப்படையில் அணுகப்படவேண்டியதன் அவசியம் குறித்து தமிழ்த்தேசிய அரசியல் கட்சிகளின் பிரதிநிதிகள் வலியுறுத்தியுள்ளனர்.