கர்ப்பகால ஸ்கேன் குழந்தையை பாதிக்குமா?

நீங்கள் கர்ப்பமாக இருக்கும் போது, நீங்கள் எடுக்கும் ஒவ்வொரு முடிவும் உங்களுடைய வாழ்க்கையில் என்றும் மறக்க முடியாத ஒன்றாக நினைவில் நிற்கலாம்.

- 

மிகவும் பிடித்த உணவு வகைகளிலும் கூட எதை உண்பது, எதை தவிர்ப்பது என்பது முதல் வயிற்றில் இருக்கும் கரு நன்றாக இருக்க வேண்டுமென்ற கவனத்தோடு தூங்கும் முறைகள் வரை, ஒவ்வொரு விஷயத்திலும் கர்ப்பிணித் தாய்மார்கள் இயற்கையாகவே மிகுந்த எச்சரிக்கையுடன் இருக்கிறார்கள்.

உண்மையில் இந்த எச்சரிக்கையும், அக்கறையும் மிக மிகச் சரியானவை என்பதில் எந்த சந்தேகமும் இல்லை. ஆனால், கர்ப்பிணி பெண்களுக்கும் அவர்களது வயிற்றில் இருக்கும் கருவுக்கும் தேவையான அனைத்து மருத்துவ பரிசோதனைகளையும் எடுப்பதில் உடனுக்குடன் முடிவானது, கதிர்வீச்சு தொடர்புடைய மெடிக்கல் இமேஜிங்கை எடுப்பதில் அவ்வளவு சுலபமாக, பதற்றமில்லாமல் எடுக்கப்படுவதில்லை.

ஒரே காரணம், எக்ஸ்ரேக்கள், சிடி ஸ்கேன், பற்களுக்கான டென்டல் இமேஜிங் போன்றவற்றில் கதிர்வீச்சு இருக்குமோ அது நம்மைப் பாதிக்குமோ என்கிற பதற்றம்தான். உண்மையில் இந்த பதற்றம் தேவையா இல்லையா என்றும், கர்ப்ப காலத்தில் இந்த பரிசோதனைகள் உண்மையில் எந்தளவுக்கு ஆபத்தானவை என்பது குறித்தும், இவை மீதான கட்டுக்கதைகள் என்ன என்பதையும் இக்கட்டுரையில் அறிவோம்.

நான் கண்டிப்பாக இந்த ஸ்கேன் எடுக்க வேண்டுமா?

பல கர்ப்பிணித் தாய்மார்கள் கலக்கத்துடன் கேட்கும் கேள்வி, 'நான் ஸ்கேன் எடுத்தே ஆகணுமா?' குறிப்பாக ஸ்கேன் என்று வரும்போது கூடவே தயக்கமும் வரக்காரணம், ரேடியேஷன் குறித்த பயம். ஸ்கேன் எடுக்கும்போது கதிர்வீச்சு பாதிப்பு இருக்குமா இருக்காதா என்பது குறித்து அறிவியல் பூர்வமாக நான் உங்களுக்கு விளக்குகிறேன். இனி உங்களுக்கு ஸ்கேன் பற்றிய பயம் தேவை இல்லை.

அல்ட்ராசவுண்ட் ஸ்கேன் (Ultra sound Scan) என்பது என்ன?