இன அழிப்புக்கு எதிராக மௌனம் காத்தல் அநியாயங்களுக்கு ஆதரவளிப்பதாக அமையும்

முன்னாள் பாராளுமன்ற உறுப்பினர் இம்தியாஸ் பாக்கிர் மாக்கார் கூறுகிறார்

- எம்.ஆர்.எம்.வசீம்

ஆக்கிரமிக்கப்பட்ட இஸ்ரேல் இராணுவம் பலஸ்தீனில் மேற்கொண்டுவரும் இன அழிப்புக்கு எதிராக நாங்கள் தொடர்ந்தும் மௌனம் காத்து வருவோமானால் அங்கு இடம்பெறும் அநியாயங்களுக்கு நாங்களும் ஆதரவளிப்பது போன்றாகும். அதனால் எங்களால் முடிந்த வரையில் எமது எதிர்ப்பை வெளிப்படுத்த முன்வர வேண்டும் என முன்னாள் பாராளுமன்ற உறுப்பினர் இம்தியாஸ் பாக்கிர் மாக்கார் தெரிவித்தார்.

உலக நீதிக்கான ஸ்ரீலங்கா ஊடகவியலாளர்கள் அமைப்பின் ஏற்பாட்டில் இம்தியாஸ் பாக்கிர் மாக்கார் எழுதிய பலஸ்தீன், சிரேஷ்ட ஊடகவியலாளர் மஹிந்த ஹெட்டக எழுதிய காஸா இனப்படுகொலை மற்றும் சிரேஷ்ட ஊடகவியலாளர் லத்தீப் பாருக் எழுதிய பலஸ்தீனத்துக்கு கண்ணீர் இல்லை ஆகிய நூல்களின் வெளியீட்டு விழா கொழும்பு கதிர்காமர் கேட்போர் கூடத்தில் நேற்று முன்தினம் இடம்பெற்றது.