ஒவ்வொரு கற்பவரையும் வலுப்படுத்துதல் உள்ளடக்கிய கல்வி சீர்திருத்தம் குறித்த தேசிய உரையாடலின் சிறப்பம்சங்கள்

பிரிட்டிஷ் கவுன்சில் ஆனது இலங்கையில் முதல் தடவையாக மிகவும் உள்ளடக்கிய, சமமான மற்றும் எதிர்காலத்திற்குத் தயாராக இருக்கும் கல்வி முறையை நோக்கிய இலங்கையின் பயணத்தில் ஒரு மைல்கல்லினை குறிக்கும் வகையில் நடத்திய இலங்கை கல்வி கருத்தரங்கு 2025 ஆனது கல்வித் தலைவர்கள், புத்தாக்குனர்கள் மற்றும் கொள்கை வகுப்பாளர்களின் சக்திவாய்ந்த ஒன்றுகூடலிற்கான தளத்தை வழங்கியது.

- 

இந்த கருத்தரங்கில் இலங்கையின் கல்வி, உயர்கல்வி மற்றும் தொழிற்கல்வி அமைச்சராகப் பணியாற்றும் கௌரவப் பிரதமர் டாக்டர் ஹரிணி அமரசூரிய உள்ளிட்ட புகழ்பெற்ற பேச்சாளர்களின் உரைகளை பங்கேற்பாளர்கள் செவிமடுக்கும் வாய்ப்பினை பெற்றனர்.

“கல்வியில் ஒத்துழைப்பு, உள்ளடக்கம், புத்தாக்கம் மற்றும் சமத்துவம்" என்ற தொனிப்பொருளை மையமாகக் கொண்ட இந்த கருத்தரங்கானது, மூலோபாய உரையாடல் மற்றும் யோசனைப் பகிர்வுக்கான ஒரு தளத்தை உருவாக்கியது.

இலங்கை மற்றும் அதற்கு அப்பால் உள்ள கொள்கை வகுப்பாளர்கள், கல்வியாளர்கள், அபிவிருத்தி பங்குதாரர்கள் மற்றும் பகுத்தறிவுவாதிகள் ஆகியோர் அனைவருக்கும் உள்ளடக்கிய மற்றும் தரமான கல்வி முறைமையை வழங்குவது தொடர்பாக ஆராய்ந்தனர்.

உள்ளடக்கிய மற்றும் சமமான ஆங்கிலக் கல்வி, இருமொழி அறிவுறுத்தலை வலுப்படுத்துதல் மற்றும் கற்பவர்களின் பல்வேறு தேவைகளைப் பூர்த்தி செய்யும் டிஜிட்டல் கருவிகளை அளவிடுதல் ஆகியவை இக்கருத்தரங்கில் முக்கிய கருப்பொருள்களாக அமைந்தன.

பிரிட்டிஷ் கவுன்சிலின் தெற்காசியாவின் கல்வி, கலை மற்றும் ஆங்கில பணிப்பாளர் கேட் ஜோய்ஸின் ஆரம்ப உரை, பகிரப்பட்ட நோக்கத்தை அடிப்படையாகக் கொண்ட ஒரு நாளுக்கான தொனியை அமைத்தது.

பிரிட்டிஷ் உயர் ஸ்தானிகர் ரிசீல் ஆண்ட்ரூ பேட்ரிக், தனது சிறப்புரையில்,கல்வி பங்குடைமைகளுக்கான ஐக்கிய ராஜ்யத்தின் நீண்டகால உறுதிப்பாட்டை மீண்டும் உறுதிப்படுத்தினார். பிரிட்டிஷ் கவுன்சிலின் இலங்கைக்கான வதிவிடப்பணிப்பாளர் ஆர்லாண்டோ எட்வர்ட்ஸ், வீடியோ செய்தி மூலம் பங்கேற்பாளர்கள் மத்தியில் உரையாற்றியதுடன் மற்றும் கல்வி சீர்திருத்தத்திற்கான தீர்வுகளை இணைந்து உருவாக்குவதன் முக்கியத்துவத்தை வலியுறுத்தினார்.