ஹோர்மூஸ் நீரிணை மூடப்படமாட்டாது; அதன் முக்கியத்துவம் எவ்வாறானது ?

ஈரான் ஹோர்முஸ் நீரிணையை மூடிவிட்டால் உலகில் எரிபொருள் விலை கணிசமான அளவு அதிகரிக்கும் என்றும் பாரிய பொருளாதார நெருக்கடிகள் உருவாகும் என்றும் கடந்த சில தினங்களாக சமூக ஊடகங்களில் கருத்துக்கள் கூறப்பட்டு வந்தன. எனினும் ஈரான் ஹோர்முஸ் நீரிணையை மூடி, உலகை நெருக்கடிக்கு உள்ளாக்காது என்ற கருத்துக்களும் முன்வைக்கப்பட்டன.

- வீ.எஸ்.

இந்த நிலையில் ஈரான், இந்திய மற்றும் ரஷ்யாவிடம் இந்த விவகாரம் தொடர்பில் ஏலவே பேச்சு நடத்தி இருந்தது.

அமெரிக்காவும், ரஷ்யாவிடம், இது தொடர்பில் கலந்துரையாடியது. இதேவேளை, எரிபொருளுக்கு தட்டுப்பாடு ஏற்பட்டுவிடுமோ என்ற அச்சத்தில் பலரும் எரிபொருள் சேமிப்பில் ஈடுபட்டிருந்தனர்.

இந்த விதமான சூழலில் ஈரான், இஸ்ரேல் ஆகிய இரு நாடுகளுக்கும் இடையே போர் நிறுத்தம் தொடர்பான அறிவிப்பு வெளியாகியுள்ளமை, ஹோர்மூஸ் நீரிணை மூடப்படமாட்டாது என்ற நம்பிக்கையை உருவாக்கியுள்ளது.

ஹோர்மூஸ் நீரிணை (Strait of Hormuz) என்பது புவிசார் அரசியல் ரீதியாகவும், உலகப் பொருளாதார ரீதியாகவும் மிகவும் முக்கியமான ஒரு கடல்வழிப் பாதை ஆகும். இது பாரசீக வளைகுடாவையும் ஓமன் வளைகுடாவையும் இணைக்கிறது,

இதன் மூலம் இந்தியப் பெருங்கடலுக்கு வழி வகுக்கிறது. உலகளாவிய எண்ணெய் மற்றும் எரிவாயு விநியோகத்தில் இந்த நீரிணை ஒரு முக்கியப் பங்கை வகிக்கிறது.

புவியியல் முக்கியத்துவம்

ஹோர்மூஸ் நீரிணை உலகின் மிக முக்கியமான கப்பல் போக்குவரத்து வழித்தடமாகும். அதாவது, இது ஒரு குறுகிய, கப்பல் போக்குவரத்துக்கு அத்தியாவசியமான கடல்வழிப் பாதை ஆகும். இதன் குறுகிய அகலம் காரணமாக, பெரிய கப்பல்கள் ஒரு குறிப்பிட்ட பாதையில் மட்டுமே பயணிக்க முடியும். இது பாதுகாப்பு மற்றும் மூலோபாய ரீதியாக மிகவும் முக்கியமானதாக அமைகிறது.

உலக எரிசக்தி விநியோகத்தில் பங்கு