கல்வி, கலை இலக்கியத் தளங்களில் நிலைத்து நிற்கும் செல்லையா நடராஜா

மலையக மாணிக்கங்களில் பெறுமதி வாய்ந்தவர் அமரர் செல்லையா நடராஜா. உண்மையான, செழுமையான நற்குணங்களால் சிறப்பான வகையில், நெஞ்சில் நிலைத்து நிற்கும் நல்ல ஆசான், நல்லதொரு அதிபர் இவர் என்றால் அது மிகப் பொருத்தமானதாகும்.

- 

கண்டி மாநகரத்தின் தனியார்துறை கல்வி அமைப்பான அசோகா வித்தியாலயத்தில் அவரது தலைமையில் கல்வி கற்றுத் தேர்ச்சியடைந்த பலர் இன்று மிக உயர்ந்த பதவிகளில் உள்ளார்கள்.

இவர் மலையக சமூகத்தனர் மனதிலும் பல்லாயிரக்கணக்கானவர்களின் நெஞ்சங்களிலும் அழிக்க முடியாது நிலைத்து நிற்பவர் என்பது நிசர்சனம். மலையக மாணவர்களின் வாழ்க்கைச் சக்கரத்தை உரிய முறையில், குறிப்பாக இளைய தலைமுறை மாணவர்களை சரியான திசையை நோக்கிப் பயணிக்கத் துணை நின்ற ஒரு திசைகாட்டி என்பதும், அந்த திசை பல உயர்வான வாழ்க்கையை அமைத்துக் கொள்ள வழி சமைத்தது என்பதும் உண்மையே.