எதிர்க்கட்சி வெளிநடப்பு

முக்கிய விடயங்களை வெளிப்படுத்த சபாநாயகர் அனுமதிப்பதில்லையென குற்றச்சாட்டு

- எம்.ஆர்.எம்.வசீம், இராஜதுரை ஹஷான்

எதிர்க்கட்சி உறுப்பினர்களுக்கு முக்கிய விடயங்களை சபையில் எடுத்துரைப்பதற்கு சபாநாயகர் தொடர்ந்து மறுத்து வருவதாக குற்றம் சாட்டி பிரதான எதிர்க்கட்சி மற்றும் ஐக்கிய தேசியக் கட்சி உறுப்பினர்கள் சபை நடவடிக்கைகளில் இருந்து நேற்று வெளிநடப்பு செய்தனர்.

பாராளுமன்றம் நேற்று செவ்வாய்க் கிழமை சபாநாயகர் ஜகத் விக்ரமரத்ன தலைமையில் கூடியது. பிரதான நடவ டிக்கைகளைத் தொடர்ந்து, தற்போது மத்திய கிழக்கில் இஸ்ரேல் மற்றும் ஈரான் நாடுகளுக்கிடையில் இடம்பெற்றுவரும் யுத்தத்தை அடிப்படையாகக்கொண்டு, நாட்டுக்கு முக்கியமான விடயமொன்றைத் தெரிவிப்பதற்கு அனுமதி கோரி, எதிர்க்கட்சி பிரதம கொறடா கயந்த கருணாதிலக்க பேச முற்பட்ட போது, சபாநாயகர் அதற்கு அனுமதி மறுத்தார்.

அதன்போது எதிர்க்கட்சி உறுப்பினர்கள் சபையில் கோஷம் எழுப்பி, அவருக்கான சந்தர்ப்பத்தை வழங்குமாறு கேட்டுக்கொண்டனர்.

என்றாலும் சபாநாயகர் அதற்கு ணங்காமல், சபை நடவடிக்கைகளை தொடர்ந்து சபை கொண்டுசென்றார்.

அதனைத் தொடர்ந்து நடவடிக்கைகள் இடம்பெற்றுவந்த நிலையில், நிலையியற் கட்டளை 27/ 2 இன் கீழ் கேள்விக்காக எதிர்க்கட்சித் தலைவர் எழுந்து கேள்விகளை முன்வைத்த இஸ்ரேல்-ஈரான் மோதல் பின்னர் காரணமாக நாட்டுக்கு ஏற்படப்போகும் பாதிப்புகள் குறித்தான விடயங்களை தெரிவிப்பதற்கு எதிர்க்கட்சித் தலைவர் என்ற அடிப்படையில் எனக்கு அனுமதி வழங்க முடியுமா என கேட்டுக்கொண்டார்.

அதற்கு சபாநாயகர் உங்களுக்கு வழங்கப்பட்டிருக்கும் நேரத்தில் அதனை சமர்ப்பித்திருக்க வேண்டும். தற்போது அதற்கான அனுமதி வழங்க முடியாது என எதிர்க்கட்சித் தலைவருக்கு உரையாற்ற அனுமதி வழங்கவில்லை.

அதனால் அதிருப்தியடைந்த ஐக்கிய மக்கள் சக்தி உறுப்பினர்கள் சபாநாயகருடன் கடும் வாக்குவாதத்தில் ஈடுபட்டனர். என்றாலும் சபாநாயகர் அதுதொடர்பில் கருத்திற்கொள்ளாமல் சபை நடவடிக்கைகளை முன்னெடுத்துச்செல்ல நடவடிக்கை எடுத்து, சிறிதரன் எம்.