பண்டைய ராஜதானியாக விளங்கிய பொலன்னறுவை நகரம்

பண்டைய இலங்கையின் (கி.பி. 846– 1302) இரண்டாவது பெரிய தலைநகராக விளங்கியது பொலன்னறுவையாகும். அக்காலத்தில் இந்நகர் 6 கி. மீட்டர் சுற்று வட்டமான உறுதியான சுவரினால் பாது காக்கப்பட்டது.

- 

இலங்கையின் மிக நீளமான மகாவலி நதி மீதான அனைத்து குறுக்குப் பகுதி களும் இந்நகரின் கட்டுப்பாட்டில்தான் இருந்தன. பொலன்னறுவையில் உள்ள பரந்துபட்டதும் நன்கு பேணப்படுவதுமான இடிபாடுகள், பண்டைய இலங்கையின் சிறப்பை எடுத்துக் கட்டுபவையாக விளங்குகின்றன. இவற்றில் சில சிறப்பு வாய்ந்த இடங்களும் அடங்கும்.

அரச மாளிகைகள் மற்றும் பௌத்த ஆலயங்களின் அழிவுச்சின்னங்கள், அரச மாளிகைக் கட்டடங்கள், ரான்கொட் விகாரை, லங்காதிலகே கிரி விகாரை, கல் விகாரை, பொலன்னறுவை வட்ட தந்த இல்லம், (வதடகே), சிவன் கோவில், அலகான பிரிவேனா ஆகியவை இந்த அழிவுற்ற சின்னங்களில் சிலவாகும்.

ஒருநாள் அதிகாலையில் புறப்பட்டால் அன்றே இந்த நகரின் முக்கியமான நினைவுச் சின்னங்களைப் பார்த்து விட முடியும்.

தற்போதைய பொலன்னறுவை நகரத்துக்கு வடக்காக, கண்டிக்கு 90 மைல் வடக்காக பொலன்னறுவையின் புராதன அழிவுச் சின்னங்களைப் பார்க்க முடியும். இது கி.பி. 10 ஆம் நூற்றாண்டில் இருந்து உள்ளதாகும். அக்கால கட்டத்தில் சோழ அரசர்கள் இலங்கையில் படை எடுப்பை நடத்தி அநுராதபுர நகரைத் தாக்கினர்.

பின் பொலன்னறுவையைக் கைப்பற்றினர்.

1070 ஆம் ஆண்டு றுகுணு பிரதேச இளவரசன் கீர்த்தி, திராவிடர்களைப் போரில் வென்று, அவர்களைத் துரத்தி இலங்கையை விஜயபாகு என்ற பெயரில் ஆண்டான். அநுராதபுரம் பாதுகாப்பற்றது என அவன் தனது இராசதானியாகப் பொலன்னறுவை நகரை ஆக்கிக் கொண்டான்.

அவனது காலத்தில் ஏராளமான ஆலயங்கள், மாளிகைகள், பூங்காக்கள், தோட்டங்கள் மற்றும் பிரமாண்டமான வாவிகள் அங்கு கட்டப்பட்டன. இருப்பினும் 10 ஆம் நூற்றாண்டளவில் தமிழ் அரசர்கள் அடிக்கடி போரிடத் தொடங்கியதால் சிங்கள ராஜதானிகள் கோட்டே, கண்டி ஆகிய இடங்களுக்கு மாற்றப்பட்டன.

பெயர் பெற்ற பிரமாண்டமான பராக்கிரமபாகு நீர்த்தேக்கமும் பொலன்னறுவையில் தான் உள்ளது.

அழிவடைந்த அரச மாளிகைக் கட்டடத் தொகுதியின் நடுவில் பராக்கிரம பாகு மன்னன் கி.பி. (1164-1196) கட்டிய அரச மாளிகையின் சிதைவுகள் காணப்படுகின்றன. அது 7 மாடிகள் உயரம் கொண்ட மரத்திலும் கல்லிலுமான மிகப் பெரும் கட்டிடமாகும். தரை 100 அடி நீளமும் 43 அடி அகலமும் கொண்டது. மேல் தளங்கள் மரத்தினால் ஆனவை. ஆனால், மிகப் பெரிய 10 அடிகளும் உள்ள கீழ் சுவர் மட்டுமே இன்றும் உள்ளது.