ஒப்பற்ற கடல் செல்வங்களுக்கு அச்சுறுத்தல்; இலங்கையும், இந்தியாவும் சந்திக்கும் புதிய நெருக்கடி!

இலங்கையின் கடல் வளம் பெரும் அச்சுறுத்தலைச் சந்தித்துள்ளது. நான்கு வருடங்களுக்கு முன்பு 'எம். வி. எக்ஸ்பிரஸ் பேர்ள்’ கப்பலால் ஏற்பட்ட பேரழிவு இன்னும் ஆறாத நிலையில், இந்தியக் கடற்பரப்பில் அடுத்தடுத்து ஏற்பட்ட இரண்டு கப்பல் விபத்துகள் இலங்கையை மீண்டும் அச்சத்தில் ஆழ்த்தியுள் ளன. இந்து சமுத்திரத்தின் முத்தாகக் கருதப்படும் இலங்கைக்கு, இத்த கைய தொடர் விபத்துகள் நீண்ட கால துயரத்தை ஏற்படுத்துகின்றன.

- - வீ.பிரியதர்சன்

புதிய அச்சுறுத்தல்:

கடந்த ஜூன் 9, 2025 அன்று, சிங்கப் பூரைச் சேர்ந்த சரக்குக் கப்பலான 'எம்.வி. வான் ஹை 503', கொழும் பிலிருந்து மும்பை நோக்கிச் செல் லும்போது கேரளக் கடற்பரப்பில் தீப்பிடித்து வெடித்தது. குளோரோ பார்மேட், டைமெத்தில் சல்பேட், ஹெக்ஸாமெதிலீன் டிசோசைனேட், பைரிடியம் போன்ற ஆபத்தான இர சாயனங்கள் அந்தக் கொள்கலன் களில் இருந்ததால், கேரளத்தின் மீன்பிடித்தொழில், சுற்றுச்சூழல், மற்றும் சுற்றுலாத்துறை பெரும் பாதிப்பை எதிர்நோக்கியுள்ளன.

இந்த விபத்து நடப்பதற்கு முன்ன தாக, மே 25, 2025 அன்று, லைபீ ரியாக் கொடியுடன் பயணித்த 'எம்எஸ்சி எல்சா 3' என்ற சரக்குக் கப்பல் கொச்சி கடற்கரையிலிருந்து 38 கடல் மைல் தொலைவில் மூழ் கியது. இதில் 640 கொள்கலன்கள் இருந்தன; அவற்றுள் 13 கொள்க லன்களில் ஆபத்தான இரசாயனங் களும், 12 கொள்கலன்களில் கல் சியம் கார்பைட்டும் இருந்தன.

இவற்றுள் சுமார் 100 கொள்க லன்கள் கடலில் மிதந்து, இந்தி யாவின் ஆலப்புழா, கொல்லம், திரு வனந்தபுரம், எர்ணாகுளம், மற்றும் தமிழ்நாட்டின் கன்னியாகுமரி கடற் கரைகளில் கரை ஒதுங்கின.

இதில் பிளாஸ்டிக் துகள்கள், பொலித்தீன், கல்சியம் கார்பைட் போன்ற ஆபத்தான பொருட்கள் அடங்கும். தமிழகத்தின் தனுஷ் கோடி பகுதியிலும் 5 கிலோமீட்டர் தூரத்திற்கு பிளாஸ்டிக் துகள்கள் கரை ஒதுங்கியுள்ளன. கேரள அரசு இந்தச் சம்பவத்தை 'மாநிலப் பேரிடர்' என அறிவித்துள்ளது.

இலங்கையை வந்தடையும் பாதிப்புகள்

இந்தியக் கடற்பரப்பில் ஏற்பட்ட இந்த விபத்துகளின் தாக்கம் இலங் கையையும் விட்டுவைக்கவில்லை. யாழ்ப்பாணத்தின் புங்குடுதீவு தெற்கு கடற்கரையோரப் பகுதி, குறிகட்டுவான், நயினாதீவு, மற்றும் நெடுந்தீவு கடற்கரைகளில் தற் போது அதிக அளவில் பிளாஸ்டிக் துகள்கள் (Plastic Nurdle) கரை ஒதுங்கி வருகின்றன.

இவை பிளாஸ்டிக் மற்றும் பொலித்தீன் தயாரிப்புக்கான முக் கிய மூலப்பொருட்கள் என்பதுடன், சூழலுக்கும் மனிதர்களுக்கும் தீங்கு விளைவிக்கக்கூடியவை என கடற் சூழல் பாதுகாப்பு அதிகாரசபை எச்சரித்துள்ளது. இந்த பொருட் களைத் தொடுவதையோ அல்லது எடுத்துச் செல்வதையோ தவிர்க் குமாறு பொதுமக்களும் கடற்றொ ழிலாளர்களும் கேட்டுக்கொள்ளப் பட்டுள்ளனர்.