டிஜிட்டல் முறைகேடுகள், போலிச்செய்திகள் ஜனநாயக துருவமயமாக்கலுக்கு பங்களிக்கின்றன

ஐரோப்பிய ஒன்றியத்தின் இலங்கைக்கான தூதுவர் கார்மோன் மொரினோ கூறுகிறார்

- ரொபட் அன்டனி

தகவல்களின் பெருக்கம், டிஜிட்டல் முறைகேடுகள், போலியான செய்திகள் மற்றும் தலையீடுகள் ஆகியவை எமது ஜனநாயக துருவமயமாக்கலுக்கு பங்களித்து மதிப்புகளைக் குறைமதிப்புக்கு உட்படுத்துகின்றன. தேர்தல் செயல்முறைகள் இந்த சவால்களால் கடுமையாகப் பாதிக்கப்படுகின்றன என்று ஐரோப்பிய ஒன்றியத்தின் இலங்கைக்கான தூதுவர் கார்மோன் மொரினோ தெரிவித்தார்.

ஐரோப்பிய ஒன்றியத்தின் அனுசரணையுடன் பெக்டம் அமைப்பு ஏற்பாடு செய்த தேர்தல் தளம் மற்றும் தகவல் ஒருமைப்பாடு தொடர்பான உலகளாவிய தெற்கு உச்சி மாநாடு நேற்று கொழும்பு சினமன் லைப் ஹோட்டலில் நடைபெற்றது.

பல்வேறு நாடுகளின் பிரதிநிதிகள் அரசியல்வாதிகள் இராஜதந்திரிகள் ஊடகவியலாளர்கள் எனப் பலரும் கலந்துகொண்ட இந்த மாநாட்டில் தேர்தல் வன்முறைகள், டிஜிட்டல் ஒழுக்கக்கோவை மீறல்கள், போலித் தகவல்களினால் ஏற்படுகின்ற பாதிப்புகள் குறித்து விரிவாக கலந்துரையாடப்பட்டது.