கர்ப்பிணிகள் மருத்துவரிடம் கேட்க வேண்டிய கேள்விகள்

கர்ப்பமாய் இருக்கும்போது பெண்கள் மருத்துவரிடம் கேட்கும் பொதுவான கேள்விகள் என்ன சாப்பிடலாம், என்ன சாப்பிடக்கூடாது, என்ன செய்யலாம், என்ன செய்யக்கூடாது, உடலை எப்படி தயார்ப்படுத்துவது, எந்தவிதமான உடற்பயிற்சிகளை செய்யவேண்டும் போன்றதுதான். சில கேள்விகளை அவர்கள் கேட்காமல் தவிர்க்கலாம். அவர்களுக்குள் இருக்கும் ஆயிரம் கேள்விகளை கேட்காமல் தவிர்ப்பதற்கு பல காரணங்கள் இருக்கின்றன.

- 

இதற்குக் காரணம் முட்டாள் தனமான ஆர்வம், அசௌகரியமாக உணர்தல் அல்லது அருவருப்பாக உணர்வதுமாகும். இந்த விடயத்தில் நினைவில் கொள்ள வேண்டியது என்னவென்றால், சில கேள்விகளைக் கேட்பது அருவருப்பாக இருந்தாலும், கேட்க வேண்டியது அவசியம்தான். மகப்பேற்று மருத்துவர்களிடம் கேள்விகளைக் கேட்க அருவருப்போ அல்லது எல்லையை வைத்து கொள்வதோ அவசியமில்லை.

உங்கள் கர்ப்ப காலத்தில் நீங்கள் கேட்க வேண்டிய அவசியத்தை உணரலாம். ஆனால் நீங்கள் அவற்றை கேட்க அசௌகரியமாகவோ அல்லது சங்கடமாகவோ உணர்வதால் நீங்கள் கேட்காமல் நிறுத்தலாம். பொதுவாக பெண்கள் கர்ப்ப காலத்தில் கேட்கத் தயங்கும் கேள்விகளும், அதற்கான பதில்களும்.

குடல் இயக்கங்கள்

பெரும்பாலான கர்ப்பிணிப் பெண்களுக்கு கவலையாக இருப்பது, பிரசவத்தின் போது ஏற்படும் குடல் இயக்கங்களே. அது உங்களுக்கு மிகவும் சங்கடமான சூழலை ஏற்படுத்தலாம். அதற்கு நீங்கள் அதை எப்படித் தவிர்ப்பது அல்லது அது எவ்வளவு பொதுவான ஒன்று என்பதை அறிய வேண்டும். இந்தக் கேள்விக்கு மகப்பேற்று மருத்துவர்கள் சொல்லும் பதில் என்னவெனில், பிரசவத்தின் போது பிறப்புறுப்புப் பகுதியில் நிறைய அழுத்தங்கள் ஏற்படுகின்றன என்ற உண்மையை கருத்தில் கொள்ள வேண்டும்.

இதனால் உங்கள் உடல் சில கழிவுகளை வெளியேற்றலாம். எனினும், பிரசவம் எனும் செயல்முறை மிகவும் வலிநிறைந்த மற்றும் தனித்துவம் வாய்ந்த ஒன்று. இது ஒரு பொதுவான அனைவரும் சந்திக்க கூடிய நிகழ்வு. பிரசவத்தின் போது குடல் இயக்கங்கள் பற்றிய கவலையை தவிர்த்து, நல்ல முறையில் குழந்தையை பெற்றெடுப்பதில் கவனம் செலுத்த வேண்டும்.