ராகு பகவானின் அருளை பெறுவது எப்படி?

இன்றைய சூழலில் எம்மில் பலரும் பல வகையினதான சிரமங்களை சந்தித்துக் கொண்டிருப்பார்கள். அத்தகைய கஷ்டத்தை தங்களுக்குத் தெரிந்த இறை பக்தி மூலம் அதற்கான நிவாரணத்தையும் தேடிக் கொண்டிருப்பார்கள். ஆனால் உங்களது ஜாதகத்தில் பிரச்சனைகளை ஏற்படுத்துவதில் முதன்மையானவர்கள் ராகு - கேது எனும் இரண்டு நிழல் கிரகங்களை குறிப்பிடலாம்.

- 

அதனால்தான் எம்முடைய ஆன்மீக முன்னோர்கள் 'கேது பகவான் கெடுத்து விட்டு கொடுப்பார் என்றும், ராகு பகவான் கொடுத்து விட்டு கெடுப்பார்' என்றும் குறிப்பிடுவார்கள். எனவே ராகு - கேது இந்த இரண்டு நிழல் கிரகங்களின் செயல்பாட்டை துல்லியமாக அவதானித்தால் உங்களுக்கு ஏற்படும் பிரச்சனைகளில் இருந்து தற்காத்துக் கொள்வதற்கான நிவாரண உத்திகள் - முறைகள் கிடைக்கும். இதற்கு எம்முடைய ஆன்மீக முன்னோர்களும், ஜோதிட நிபுணர்களும் பல குறிப்புகளை அதாவது சூட்சமமாக பலனளிக்கும் குறிப்புகளை வழங்கியிருக்கிறார்கள். அதனை தொடர்ந்து காண்போம்.

லக்னத்தில் ராகு இருந்தால்... திருமணத்தடை, காரியத்தடை ஆயுள் முழுவதும் நீடித்திருக்கும். இவர்கள் கோதுமையால் தயாரிக்கப்பட்ட உணவை அருகில் இருக்கும் ஆலயத்திற்கு, நீங்கள் பிறந்த கிழமையில் எடுத்துச் சென்று அங்கு வருகை தரும் பக்தர்களுக்கு தானமாக வழங்கினால் சுப பலன்கள் கிடைக்கும்.

லக்னத்தில் இருந்து இரண்டாம் இடத்தில் ராகு இருந்தால்... கொடுத்த வாக்குறுதியை காப்பாற்ற இயலாத நிலை உருவாகும். தொடக்கக்கல்வியில் தடை உண்டாகும். திருமணத்தில் தடை நீடிக்கும். குடும்பத்தில் ஒற்றுமை குறைந்து, குழப்பமும்... கருத்து வேறுபாடும்... ஏற்படும். நீங்கள் நாளாந்தம் உங்களது வீட்டில் வடமேற்கு மூலை பகுதியில் செம்பு பாத்திரத்தில் தண்ணீர் வைத்துவிட்டு உறங்க வேண்டும். காலையில் எழுந்ததும் முதல் பணியாக அதனை அருகில் உள்ள ஏதேனும் ஒரு மரத்திற்கு ஊற்றி விட வேண்டும். இதனை நீங்கள் தொடர்ச்சியாக செய்து வரும் போது உங்களுக்கு சுப பலன் கிடைக்கும்.