நூதனமாக தமிழர்களின் காணிகளை திருடும் சில திணைக்களங்கள் தமிழரசுக் கட்சி எம்.பி. சபையில் சுட்டிக்காட்டு

தமிழ் மக்களின் காணிகளை ஆக்கிரமிக்கும் வனவளத் திணைக்களம் மற்றும் வன ஜீவராசிகள் போன்ற திருட்டுத் திணைக்களங்களின் உயர் அதிகாரிகள் நீதிபதிகளாக மாறிவிட்டனர்.

- 

மாவட்ட செயலாளர் உட்பட தமிழ் அதிகாரிகளையும் அதிகாரத் தோரணையில் அச்சுறுத்துகின்றனர். சில திணைக்க ளங்கள் நூதனமான முறையில் தமிழ் மக்களின் காணிகளை திருடி வருவதை அவதானிக்க முடிகிறது என்று இலங்கைத் தமிழரசுக் கட்சியின் பாராளுமன்ற உறுப்பினர் ரவிகரன் குற்றஞ்சாட்டினார்.

பாராளுமன்றத்தில் நேற்று செவ்வாய்க்கிழமை நடைபெற்ற தரவு பாதுகாப்பு (திருத்தச்) சட்டமூலம் மீதான விவாதத்தில் உரையாற்றுகையிலேயே அவர் மேற்கண்டவாறு குறிப்பிட்டார்.

அங்கு அவர் மேலும் உரையாற்றுகையில், வனவளத்திணைக்களம், தொல்லியல் திணைக் களம், வனஜீவராசிகள் திணைக்களம் ஆகிய திணைக் களங்கள் நாட்டில் நடைமுறையிலுள்ள சட்டங் களுக்கு முரணாக பொதுமக்களின் காணிகளைத் திருடி வருகின்றார்கள். பொதுமக்களின் குடியிருப் புக் காணிகளையும் அவர்களின் வயல் நிலங்களையும், வர்த்தமானி அறிவித்தல் மூலம் சட்டத் துக்கு முரணான வகையில் வன ஒதுக்குப்பிரதேசங்களாக, தொல்லியல் ஒதுக்குப் பிரதேசங்களாக ஒதுக்கீடு செய்து அறிவித்துள்ளார்கள்.

இதனால் இங்குள்ள மக்கள் தமது பூர்வீக குடியிருப்புக்களில் குடியிருக்க முடியாமல் வயல் நிலங்களில் பயிரிட முடியாமல் இத்திணைக்களங்களால் துரத்தியடிக்கப்படுகின்றார்கள். இதனால், அவர்களுடைய வாழ்வாதாரம், அவர்களுடைய அன்றாட உணவுத்தேவை, அவர்களுடைய பிள்ளைகளின் கல்வி என்பன மறுக்கப்படுகின்றன.ஒட்டுசுட்டான் பிரதேசசெயலாளர் பிரிவுக்குட்பட்ட தண்டுவான் கிராம அலுவலர் பிரிவிலுள்ள ஏ.சி.பாம் என்ற கிரா மத்தில் 47குடும்பங்கள் வசித்துவந்த நிலையில் 1997இல் ஜெயசிக்குரு இராணுவ நடடிக்கையின் மூலம் இவர்கள் இடம்பெயர்ந்தனர்.