நயினையின் வரலாற்றை மெய்ப்பிக்கும் கருடன் கல்லும் பாம்பு சுற்றிய கல்லும்

மணிபல்லவம் எனப்படும் நயினாதீவு

- 

கலாநிதி புஷ்பரத்தினம் முதலிலே கருதுவது நயினாதீவில் கிடைத்த கல் வெட்டு ஆகும். தொல்லியல் நோக்கில் இலங்கைத்தமிழர் பண்பாடு என்னும் நூலில் இடம்பெற்றுள்ள கருத்துகள் வருமாறு:

‘சிங்கள மன்னர் ஆட்சியில் காணக் கூடிய இன்னொரு மாற்றம் கல்வெட்டுக்களைச் சிங்களத்திலும் தமிழிலும் வெளியிட்டதாகும். இதன் மூலம் சிங்கள நிர்வாகத்தில் முதன்முறையாகத் தமிழும் ஆட்சிமொழியாக மாறியதாகும். இக்கால அரச அதிகாரிகள் தமிழ் மக்களோடு கொண்ட தொடர்புகளைத் தமிழிலேயே பதிவு செய்தனர். விஜயபாகு கால பனாகடுவ செப்பேட்டில் தமிழ் எழுத்தாளர்கள் பற்றிய குறிப்புக்கள் காணப்படுகின்றன. (Roy 1960:543) ஸ்ரீ சங்கபோதி விஜயபாகு என்ற மன்னனைக் குறிக்கும் நான்கு கல்வெட்டுக்கள் கிடைத்துள்ளன. இவற்றுள் பொலநறுவை, பாலமோட்டை ஆகிய இடங்களில் கிடைத்த கல்வெட்டுக்கள் முதலாம் விஜயபாகு காலத்தைச் சேர்ந்தவையேயாகும்.

(பத்மநாதன் 1971.72:13.26) இவனுக்குப் பின்னர் ஆட்சி செய்த மன்னர்களும் தமிழில் கல்வெட்டுக்களை வெளியிட்டுள்ளனர். இதற்கு நயினாதீவில் கிடைத்த முதலாம் பராக்கிரமபாகு காலக் கல்வெட்டைக் குறிப்பிடலாம்.

பண்டுதொட்டு அநுராதபுர அரசுக்கு வடக்கில் உள்ள பிராந்தியம் நாகதீபம்.’ ‘இடைக்காலத்தில் தென்னிந்திய வம்சம் ஒன்று நாகதீபத்தின் மீது படையெடுத்ததாகச் சூளவம்சம் கூறுகிறது. சாவகன் அரசு நாகநாடு எனப்படும் வட இலங்கை என்று தெரிகிறது’ என பேராசிரியர் புஷ்பரட்ணம் எழுதிய ‘தொல்லிய நோக்கில் இலங்கைத் தமிழர் பண்பாடு’ எனும் நூலில் குறிப்பிடப்பட்டுள்ளது.

இவ்வாய்வாளருக்குப் பல்கலைக்கழகத்திலே வரலாறு கற்பித்த பேராசிரியர் கலாநிதி கார்த்திகேசு இந்திரபாலா அவர்களது கருத்தொன்றைப் பேராசிரியர் கலாநிதி ப. புஷ்பரட்ணம் மேற்கோள் காட்டுகிறார்.

‘யாழ்ப்பாணம் என்னும் பெயர் 15ஆம் நூற்றாண்டில் ஏற்படும் வரை இது இலங்கையைக் (உத்திர தேசத்தை) கைப்பற்ற முற்பட்டான் எனச் சூளவம்சம் கூறுகிறது.’ (44:703)