மேம்பட்ட அணுசக்தி கண்டறிதல் கருவியை அமெரிக்கா கடற்படைக்கு வழங்கியது

இலங்கையிலுள்ள அமெரிக்கத் தூதரகம் 1 மில்லியன் டொலர்கள் (299 மில்லியன் ரூபா) பெறுமதியான கதிர்வீச்சு மற்றும் இரசாயனங்களை கண்டறியும் அதிநவீன கருவியினை இலங்கைக் கடற்படைக்கு வழங்கியுள்ளது.

- எம்.மனோசித்ரா

தனது கடல்சார் களத்தில் அணு, கதிரியக்க மற்றும் இரசாயன அச்சுறுத்தல்களைக் கண்டறிந்து அதற்கான பதிலளிப்பு நடவடிக்கைகளை மேற்கொள்வதற்கான இலங்கையின் திறனை குறிப்பிடத்தக்க அளவில் இது அதிகரிக்கிறது.

அமெரிக்க சக்தி திணைக்களத்தின் தேசிய அணுசக்தி பாதுகாப்பு நிர்வாகம் மற்றும் அதன் அணுக்கடத்தல் கண்டறிதல் மற்றும் தடுப்பு அலுவலகத்தினால் விநியோகிக்கப்பட்ட இம்மேம்பட்ட கருவியானது, நேற்று வியாழக்கிழமை கடற்படைத் தலைமையகத்தில் உத்தியோகபூர்வமாக கையளிக்கப்பட்டது.