વડોદરામાં હિટ એન્ડ રનઃ દંપતીને અડફેટે લઇને સ્કોર્પિયોચાલક ફરાર : મહિલાનું મોત

પત્નીના મોત બાદ પતિની હાલત પણ ગંભીર : સારવાર માટે અમદાવાદ ખસેડાયો

- 

વડોદરાના સમા વિસ્તારમાં રવિવારે મોડી રાત્રે ચાલવા નીકળેલા દંપતિને માલેતુજાર સ્કોર્પિયો ચાલકે અડફેટે લેતા પત્નીનું મોત નિપજ્યુ તથા પતિની ગંભીર હાલતમાં ઘવાયો હોવાની ઘટના બની હતી. ઓવરસ્પીડના કારણે ચાલકે કાબૂ ગુમાવતા સૌ પ્રથમ ઓટોરિક્ષા, બાદમાં દંપતી અને પછી પાળી તેમજ વીજનો થાંભલો તોડીને કાર એમ્પાયર હોસ્પિટલના કમ્પાઉન્ડમાં ઘૂસી ગઈ હતી. અકસ્માત સર્જ્યો બાદ નાસી છૂટેલા કાર લાયસન્સ પણ નહી ધરાવતા ચાલકને શોધવામાં પોલીસને સફળતાં મળી છે.