நன்றியறிதல்மிக்க உள்ளம் நீடூழி வாழும்

இன்றைய அதிவேகமான உலகில், மன அழுத்தம், பதற்றம், போட்டி மற்றும் எதிர்மறை உணர்வுகளில் சிக்கிக்கொள்வது எளிது.

- இளவரசி ஸ்டீஃபன்

ஆனால், மனிதர்களின் கவனத்தை மாற்றக்கூடிய, அவர்கள் உளநலத்தையும் உடல்நலத்தையும் மேம்படுத்தக்கூடிய, வாழ்நாளைக் கூட்டக்கூடிய ஓர் எளிய பயிற்சி உண்டு. அது நன்றியுணர்வு என்று யாரேனும் சொன்னால் அதை நாகரிக உலகின் மாந்தர் நம்புவார்களா?

ஆனால் மனிதர்களின் கவனத்தை மாற்றக்கூடிய, அவர்கள் உளம், உடல் நலத்தை மேம்படுத்தக்கூடிய, வாழ்நாளையும் அதிகரிக்கக்கூடிய ஓர் எளிய பயிற்சி உண்டு.

அது நன்றியுணர்வு என்று யாரேனும் சொன்னால் அதை நவநாகரீக உலகின் மாந்தர் நம்பக்கூடுமா?

நம்பித்தான் ஆக வேண்டும். ஏனெனில், அதனால் விளையும் நன்மைகள் ஏராளம் என்கிறது ஆய்வுலகம்.

நன்றியுணர்வு என்பது ஓர் நிலை; அது ஒரு பண்புநலனும் கூட என்று குறிப்பிடுகிறது நேர்மறை உளவியல்.

நன்றியுணர்வு எனும் சொல்லில் இரண்டு படிநிலைகள் உள்ளதாக அறிஞர்கள் கூறுகின்றனர்.

ஒன்று, வாழ்வில் உள்ள நன்மைகளை அங்கீகரிப்பது. இந்த நன்றியுணர்வுமிக்க நிலையில், மக்கள் வாழ்விற்கு ஆம் எனும் பதிலை அளித்து, வாழ்க்கையை நற்பேறாகக் கருதி வாழ முற்படுகின்றனர்.

மற்றொன்று, நற்சீர் என்பது தனக்குள் இல்லை, புறத்திலேயே உள்ளது என்பதை உணரும்போது நிகழ்கிறது. எடுத்துக்காட்டாக, இறைவனுக்கோ இதர மக்களுக்கோ நன்றிக்கடன்பட்டவர்களாகச் சிலர் கருதுவர்.

வேறு சிலர் இந்த உலகிற்காகவும், அங்கு காணப்படும் மக்கள் உள்பட உலகிற்கே நன்றிக்கடன்பட்டிருப்பதாகக் கூறுவதும் உண்டு.

1990களின் பிந்தையக் காலகட்டங்களில் நேர்மறை உளவியல் என்பது ஒரு துறையாக அறிமுகம் கண்டது நினைவுகூரத்தக்கது.

தொடக்கக் காலகட்டத்தில் இதனைப் பண்புநலனாகப் பாவித்து அந்தச் சிந்தனையில் கவனம் செலுத்தி ஆய்வுகள் நடத்தப்பட்டன.

பிறகு இந்த உணர்வை ஒரு திறனாகக் கருதி, நன்றியறிதல் உள்ள மனத்தைக் கட்டியெழுப்ப முடியும் என்றும் ஆய்வுகள் கூறின.