“இனவெறி அரசியலை மீண்டும் அனுமதியோம்”

வடக்கிற்கு மீண்டும் உயிர் கொடுத்து மக்களுக்கு வலுவான பொருளாதாரத்தைக் கட்டியெழுப்புவதற்கான தனது பொறுப்பை நிறைவேற்றுவேன் என்று தெரிவித்த ஜனாதிபதி அனுரகுமார திசாநாயக்க, தேவையான முடிவுகள் தயக்கமின்றி எடுக்கப்படும் என்பதுடன் இனவெறி அரசியலை மீண்டும் அனுமதிக்க மாட்டோம் என்றார்.

- 

இங்குள்ளவர்களின் வாழ்க்கையில் பெரும் பகுதி போருடன் கழிந்தது. முப்பது வருடங்களாக நாம் ஒருவருக்கொருவர் அவநம்பிக்கையுடனும் சந்தேகத்துடனும் போராடினோம். அது நம் நாட்டில் நடந்த ஒரு பெரிய சோகம். இதன் காரணமாக, நம் நாட்டு மக்கள் அந்நியப்படுத்தப்பட்டனர். இதன் காரணமாக, இனவெறி அரசியல் தோன்றியது.

வடக்கு மற்றும் தெற்கில் அதிகாரத்தைப் பெறுவதற்கு இனவெறி முக்கிய கருவியாக மாறியது. அந்த நிலைமை கடந்த ஜனாதிபதித் தேர்தலில் இந்த நாட்டு மக்களால் தோற்கடிக்கப்பட்டது. இந்த நாட்டில் இனவெறி அரசியலை மீண்டும் அனுமதிக்க மாட்டோம். மக்களாகிய நீங்கள் இந்த இனவெறி அரசியலை நிராகரிக்க வேண்டும் என்றும் நான் நம்புகிறேன். ஒற்றுமையை உருவாக்குவதே எங்கள் அரசாங்கத்தின் நோக்கம். சர்ச்சைக்கு வழிவகுக்கும் முடிவுகளை எடுக்க நாங்கள் சிறிதும் பயப்படவில்லை. மேலும், பழைய அழிவுகரமான இனவெறி சத்தங்கள் நாம் எடுக்கும் முற்போக்கான நடவடிக்கைகளை மாற்றியமைக்க அனுமதிக்க மாட்டோம் என்றார்.

உலக தேங்காய் தின கொண்டாட்டங்களுடன் இணைந்து புதுக்குடியிருப்பு நகரில் செவ்வாய்க்கிழமை(02) காலை தடைபெற்ற வடக்கு தேங்காய் முக்கோணத்தின் தொடக்க விழாவில் கலந்து கொண்டு உரையாற்றும் போதே ஜனாதிபதி அனுரகுமார திசாநாயக்க இவ்வாறு தெரிவித்தார்.

கடந்த ஜனாதிபதித் தேர்தலில் தற்போதைய அரசாங்கத்தின் மீது நம்பிக்கை வைத்து ஒரு படி முன்னோக்கி காலை வைத்த மக்களின் வெற்றிக்காக வடக்கிற்கு புதிய பொருளாதார வாய்ப்புகளை உருவாக்க எதிர்காலத்தில் தொழில்துறை வலயங்கள் உட்பட பல மேம்பாட்டுத் திட்டங்கள் செயல்படுத்தப்படும் என்றும் அவர் கூறினார்.

வடக்கு மக்களின் நில உரிமைகள், மொழி மற்றும் கலாச்சார உரிமைகள் மற்றும் காணாமல் போனவர்களுக்கு என்ன நடந்தது என்பதை அறியும் உரிமையைப் பாதுகாப்பதில் அரசாங்கம் உ உறுதிபூண்டுள்ளது என்றும் ஜனாதிபதி கூறினார்.