அன்பின் அடையாளமாய் திகழ்பவளே அன்னை

அன்னை தான் இவ்வுலகில் நமக்குக் கிடைத்த பொக்கிஷம். "அன்னையும் பிதாவும் முன்னறி தெய்வம்" ஔவை பாட்டியார் தனது நீதி நூல்களில் ஒன்றான கொன்றை வேந்தனில் கூறியுள்ளார். இதன் பொருள் அன்னை தான் நம் முதல் கடவுள்.

- 

அன்னையர்கள் பல விதமான கஷ்டங்களுக்கு இடையில் தம்மை வளர்த்து வருகிறார்கள். மேலும், பல விதமான சாதனைகளையும் படைத்து வருகிறார்கள்.

இத்தகைய போற்றுதற்குரிய அன்னையர்களைப் போற்றும் வகையில் கொண்டாடப்படும் தினமே அன்னையர் தினமாகும். அன்னையர் தினம் உலகின் பல பகுதிகளில் வெவேறு தினத்தில் கொண்டாடப்பட்டு வருகிறது. இருந்தாலும் பல நாடுகளில் மே மாதம் வரும் இரண்டாவது ஞாயிற்றுக்கிழமை அன்னையர் தினம் கொண்டாடப்பட்டு வருகிறது.

எந்த காலகட்டமாக இருந்தாலும் சரி, நாம் எத்தனை மனிதர்களைச் சந்திருந்தாலும் சரி நம் மீது அம்மாவை விட வேற யாரும் அன்பு செலுத்த முடியாது. இந்த உலகில் யாருக்கு ஏதும் செய்தாலும் அதற்கு கைமாறாக இது செய்ய வேண்டும் என்ற கருத்து இருக்கிறது. ஏன் சொல்லப்போனால் கடவுளிடம் வரம் கேட்டால் கூட நான் உனக்கு இதைச் செய்கிறேன் என்று கூறி வரத்தைக் கேட்கிறோம். ஆனால், அம்மா என்பவள் எந்த ஒரு பலனையும் எதிர்பார்க்காமல் நம் மீது உண்மையான அன்பு செலுத்துபவள்.

இந்த நாளன்று உங்கள் அம்மாவுக்கு வாழ்த்துக்களைக் கூறுங்கள். இந்த நாள் மட்டுமில்லை எந்நாளும் அம்மாவை மறந்துவிடாதீர்கள்.

பெண்கள், வீட்டில் சகோதரியாக, தாரமாக, தோழியாக, பாட்டியாக இப்படி பல பாத்திரங்களில் நம்மை வழிநடத்திச் சென்றாலும், அன்னை என்ற பாத்திரமே மிக உன்னதமான பாத்திரமாகும். அன்னையினால் மட்டுமே ஒரு பிள்ளையின் அனைத்து உணர்வுகளையும், கஷ்டங்களையும் உணர முடியும்.

நாம் கருவில் இருக்கும்போதே கருவிலேயே பல சவால்களையும் எதிர்ப்புகளையும் தாண்டி இந்த சமூகத்திற்குப் பெறுமதி மிக்கவர்களாக நம்மைத் தருபவர்கள் அன்னையர்களே. எல்லா உறவுகளையும் ஒன்றிணைத்து தன்னலம் கருதாது எல்லா உறவுகளும் முக்கியம் என வாழும் பெண் தெய்வங்களே அன்னையர்கள் ஆவர்.

அமெரிக்காவில் வாழ்ந்த மரியா ஜார்விஸ் என்ற பெண்மணியின் தாயன்பின் காரணமாக அன்னையர் தினம் இன்று வரை கொண்டாடப்பட்டு வருகின்றது.

இந்த உலகில் அன்னையின் அன்பிற்கும் பண்பிற்கும் வேறெதுவும் இல்லை என்றால் அது மிகையாகாது. கருவில் இருக்கும் குழந்தை ஆணோ பெண்ணோ என அறியாத போதிலும் தன் குழந்தையைப் பத்திரமாய் சுமந்து உலகின் அழகைப் பார்க்க வைக்கும் உன்னத உறவு தான் அன்னை தான். இவ்வுலகில் அன்னையைத் தவிர, வேறு யாராலும் அதீத அன்பைக் கொடுத்து விட முடியாது. அன்பின் அடையாளமாய் திகழ்பவளே அன்னை.